TV reporter nairita sa handler ni Rhian

Hindi nasayang ang pagsali ni Krissa Mae Arrieta sa Bb. Pilipinas dahil siya ang nag-win ng Bb. Pilipinas-International title.

Siyempre, tuwang-tuwa si Jay-R dahil beauty titlist na ang kanyang girlfriend. Pinanood ni Jay-R ang coronation night noong Sabado at nakunan ng mga TV camera ang kanyang happiness dahil winner nga si Krissa.

Si Krissa ang magiging representative ng Pilipinas sa Miss International sa Tokyo, Japan sa September. May time si Krissa na paghandaan ang unang international competition na kanyang sasalihan.

* * *

Tapos na ang presscon ng PLDT myDSL nang dumating ako sa Annabel’s Restaurant dahil nanggaling pa kami ni Papa Ricky Lo sa studio ng Startalk.

Hindi ko na naabutan sina Nancy Castiglione at Rhian Ramos na umalis kaagad dahil sa kanilang mga appointment.

Hindi ko tuloy nakita ang pagkairita ni Lhar Santiago sa handler ni Rhian. Iinterbyuhin sana ni Lhar si Rhian pero nawalan siya ng gana dahil umeksena ang handler ni Rhian.

Gusto raw malaman ng handler ang mga itatanong ni Lhar kay Rhian. Naintindihan ko ang pagkaimbyerna na na-feel ni Lhar.

Bakit kailangang i-screen ang kanyang mga question eh hindi naman siya magtatanong ng puwedeng makasira sa image ni Rhian. Matagal nang TV reporter si Lhar at knows niya kung paano protektahan ang mga artista na kanyang iniinterbyu. Para que pa’t naging Kapuso siya debah?

* * *

Maraming salamat kay Gary Dujali ng PLDT myDSL dahil tinulungan niya ako nang masira ang telephone lines ko sa bahay.

Isang tawag ko lang kay Papa Gary, dumating agad sa bahay ang repairman ng PLDT. Napatunayan ko uli na talagang efficient ang mga empleyado ng PLDT kaya hanggang ngayon loyal subscriber nila ako. Pati ang cellphone na ginagamit ko, sister company ng PLDT!

* * *

Nagpa-presscon nga pala si Papa Gary dahil ikinuwento niya sa mga reporter ang malalaking project ng PLDT myDSL.

Si Papa Gary ang utak sa likod ng PLDT Watchpad at noong Sabado, live na napanood sa Watchpad ang grand final night ng Talentadong Pinoy.

Mapapanood din sa Watchpad ng myDSL ang laban nina Manny Pacquiao at Joshua Clottey. Live na live ‘yon ha?

Bago ko makalimutan, naghahanap ang PLDT myDSL ng mga Watchpad Crew. Pagkakataon na ito ng mga kabataan na may personalidad na maka-level sina Rhian Ramos, Isabel Oli at Victor Aliwalas, ang mga celebrity watchpad crew ng myDSL. Kung gusto n’yo na mag-join, basahin ninyo ang mechanics sa website ng Watchpad, ang www.pldtwatchpad.com.

* * *

Hindi umapir si Victor sa presscon ng PLDT myDSL dahil hindi siya pinayagan na umalis sa technical rehearsal ng Bb. Pilipinas.

Sumayaw si Victor at kasama niya sa production number sina Daniel Matsunaga, Jace Flores at ang mga 2009 Bb. Pilipinas winners.

Ang verdict ng mga nakapanood sa dance number ng tatlong aktor? Naloka sila dahil hindi sabay-sabay ang pagsasayaw nina Daniel, Victor at Jace!