Jericho hindi taga-showbiz ang bagong GF!; Para magmukhang bata Gabby panay ang pa-Belo

SEEN : Si Jericho Rosales at ang kanyang non-showbiz girlfriend sa Eastwood Mall noong Biyernes.

SCENE : Natuwa si Sam Milby nang malaman niya na nominated siya sa best performance by an actor in a leading role (drama) category ng 7th Golden Screen Awards ng Entertainment Press Society.

Nominated si Sam dahil sa pagganap niya sa And I Love You So ng Star Cinema.

SEEN : Ang Belo Medical Clinic ang sikreto ng bumabatang mukha ni Gabby Concepcion.

SCENE : Si Piolo Pascual ang kumanta ng theme song ng Babe I Love You, ang pelikula nina Anne Curtis at Sam Milby na showing sa mga sinehan sa susunod na buwan.

SEEN : Ang apela ni Miriam Quiambao sa mga televiewers na huwag gagayahin ang kanyang salbahe na role sa Kung Tayo’y Magkakalayo.

SCENE : Hindi pa napapanood ni Yilmaz Bektas ang guesting sa Goin’ Bulilit ng dalawang anak nila ni Ruffa Gutierrez ngunit alam niya ang lahat ng balita tungkol sa kanyang asawa.

SEEN : Forty-one years old na si Dawn Zulueta noong March 4. Nag-celebrate siya ng birthday sa Davao.

Pinangunahan ni Dawn ang medical at dental mission sa bayan ng kanyang asawa na kandidato uli sa kongreso.

SCENE : Ang tribute ng Eat Bulaga kay Fran­cis Magalona.

Kahapon ang unang anibersaryo ng kamatayan ng Master Rapper.