Joya midaug sa Mr. World Philippines

CEBU, Philippines - Ang 23-anyos nga nurse ug fashion model nga si Alvin de Joya maoy napili nga Mr. World Philippines 2010 niadtong Sabado sa gabii. Si Alvin maoy magsibling pambato sa Pillipinas sa Mr. World 2010 finals karong Marso 27 sa Incheon, Korea.

La Diva sikat sa Canada

Dunay umaabot nga show sunod buwan sa Canada    ang grupong La Diva nga gilangkoban nila ni Aicelle Santos, Maricris Garcia ug Jonalyn Viray. Matud pa nga daghang Pinoy sa Canada ang miidolo sa maong grupo tungod sa hugyaw nila nga tingog.

Blakdyak show sa Dubai malampuson

Gidumogan og maayo ang bag-ohay pa lang nga show sa king of Philippine reggae-novelty nga si Blakdyak didto sa Dubai. Aminado si Blakdyak nga kusog gihapon ang iyang karisma ngadto sa masa.

Kristel gihangop sa moviegoers

Nakadawat og daghang pagdayeg ang bag-ong artista nga si Kristel Moreno gumikan sa maayo niya nga pagkadala sa pelikulang Pitas.Matud pa nga ang love scene nila ni Sid Lucero maoy labing gipakpakan og maayo sa mga tawo atol sa premiere night niini niadtong Biyernes sa SM Cinema 6.

Maricar naghudyaka

Mapasigarbuhong gipadayag ni Maricar Reyes nga bisan gamay ra ang iyang role, gibati niya ang tumang kalipay tungod sa dakong kalampusan nga naangkon sa pelikulang Miss You Like Crazy nga gibidahan nila ni John Lloyd Cruz ug Bea Alonzo.

Sa nahisgutang pelikula, si Maricar maoy midala isip Daphne, ang unang girlfriend ni Alan (John Lloyd).

Resulta sa gugma

 Absent sa taping sa miaging adlaw ang kanhi PBB Double Up housemate nga si Jason   Francisco kay iyang gikuyogan sa Baguio ang iyang uyab nga si Melisa “Melai” Cantiveros.Matud pa ni Jason nga nahigugma siya og maayo kang Melai busa dili niya kini biyaan.

Sarah ganahan ni Richard

Gipangandoy sa Starstruck V female ultimate survivor nga si Sarah Lahbati nga mapares niya puhon sa usa ka proyekto si Richard Gutierrez Samtang buot usab ni Sarah nga mahimong singer kay ang talento niya sa pagkanta maoy hinungdan nga nailhan siya og maayo sa mga tawo sukad miapil siya sa Starstruck.

Frencheska nabalaka

Nagmalumon ang Are You The Next Big Star winner nga si Frencheska Farr nga tagaan pa siya og laing proyekto sa GMA-7. Nabalaka si Frencheska nga basin mahupas na ang iyang career gumikan kay gitapos na ang programang SOP, samtang gikatakda na usab nga tapuson ang laing show niya nga Bandaoke.

Gerald moduaw sa mga masakiton

Excited na si Gerald Anderson sa iyang ika-21st birthday karong Marso 7 ug matud pa sa young actor nga dili siya ganahan og bongga nga party atol sa maong adlaw. Gikatakda nga mag-selebrar si Gerald sa iyang birthday uban sa mga pasyente sa Cancer Warrior Foundation kay mao na kini ang iyang naandan sukad siya niapil sa Pinoy Big Brother niadtong 2006.

Hinilakay ang show

Naghinilakay og maayo sila si Regine Velasquez , Ogie Alcasid , Jaya, and Janno Gibbs atol sa ilang “back to back” performance sa last episode sa SOP kagahapon. Ang maong programa hulipan na og Party Pilipinas.  

Negosyo ni Angel

Magtukod og bag-ong negosyo si Angel Locsin , usa kini resto bar nga ginganlan niya og Fuel Up. Gipaabot nga magdumog ang mga suod nga higala ni Angel sa showbiz atol sa pagbukas niini sulod karong buwana.

Kembot Girls pambato sa Wowowee

Ang Kembot Girls maoy usa sa gikonsiderar nga pambato karon sa Wowowee hinungdan nga kusog gihapon ang rating sa nahisgutang noontime show. Matud pa nga puros mga pagdayeg ang nadawat sa maong grupo gikan sa nagkadaiyang online forum gumikan sa bongga nila nga sinayawan.

Pokwang giintriga na pud

Giintriga karon og balik ang   komedyante nga si Pokwang gumikan kay matud pa midako na ang ulo niini. Apan gidepensahan dayon ang komedyante sa iyang mga fans, suma pa nga buotan kaayo ang ilang idolo busa di na angay patulan ang maong isyu. 

Prinsesa sa Masa

Ginganlan karon og Prinsesa sa Masa ang PBB Double Up Big winner nga si Melisa Cantiveros kinsa andam na mohatag og pakatok sa iyang mga fans sa panahon nga sugdan na ang iyang mga proyekto sa ABS-CBN . Hangtud karon, wa pa katoo si Melai sa iyang naabtan gumikan kay permi na siya nga kagubtan kung mosuroy siya og mall.

Joross ganahan mag-direktor

Gibutyag ni Joross Gamboa nga ganahan siya mahimong direktor sa usa ka serye kay buot niya makadiskubre og mga ideya likod sa kamera.    Kasamtangan karon nga nagtungha si Joross sa kursong Mass Communication sa usa ka inila nga unibersidad sa kaulohan.