Bandaoke tsugi pud!

CEBU, Philippines - Gikaguol gyud og maayo ni Jaya ang pagkawagtang na sa duruha niya ka mga shows. Una mao kalit na lamang siyang gisultihan nga last taping na lamang nila sa Bandaoke, show niya matag Domingo sa gabii, nga unta magduha pa lamang kini ka buwan. Unya ugma puhon, last episode na lang nila sa SOP. Hinuon, apil siya sa Diva ni Regine Velasquez sa role nga talent manager      

Maggie Wilson magminyo Dec. 18

Si Tim Yap pud ang mibutyag pinaagi gihapon sa iyang Twitter account nga Dec. 18 karong tuiga, ang kasal sa beauty queen/model/actress/TV host nga si Maggie Wilson ngadto kang Victor Consunji. Si Consunji sakop sa sikat nga Consunji clan ug giingong construction magnate. Kasamtangan siya nga presidente sa DMC Urban Property Developers, Inc.

Direktor ni Sarah, Kapuso na

Si direk Paul Basinillo, maoy mamahimong co-director ni direk Louie Ignacio sa Party Pilipinas, ang show nga hulip sa SOP ug magsugod karong March 21. Dugay ra kaayo siya nga direktor sa music videos, diin sulod sa upat ka tuig na siya nga direktor sa Pop Princess nga si Sarah Geronimo. Siya pud ang direktor sa Sunsilk commercial ni Sarah. Dungan niini, si Paul pud ang direktor sa Zooperstars nga magsugod ugma sa buntag, 11:15-11:45, sa GMA-7, diin si Gelli de Belen, kauban sa mga child stars nga sila si Julian Trono ug Sabrina Man, ang host.

Regine Suportado Sa Dongyan

Dunay gamay nga partisipasyon sa seryeng Diva sa GMA-7 sila si Dingdong Dantes ug Marian Rivera. Ang Diva gibituonan ni Regine Velasquez, ubos sa direksyon ni Dominic Zapata. Istorya kini ni Sampaguita, o Sam—usa ka batig nawong nga babaye nga nangandoy nga mamahimong sikat nga singer. Magsugod na karong Lunes, hulip sa Full House.

AJ naapsan sa manghod

Aminado si AJ Dee nga naapsan na ang iyang showbiz career sa iyang manghod nga si Enchong. Una kaayong nag-artista si AJ, pero inanay nga napawong ang kahayag sa iyang bituon, hangtud nga milayat siya paingon sa GMA-7, diin apil siya sa sitcom nga Show Me The Manny. Si Enchong sa laing bahin, misikat og maayo tungod sa teleserye nga Katorse, ug karon sa Tanging Yaman.

Banda ang Tirada

Dili feel sa kanhi PBB housemate nga si Jason Francisco nga mag-artista kay mas pilion pa niya nga magtukod og kaugalingong banda kay kini ang iyang hilig. Plano usab niya nga magtukod og kaugalingong negosyo didto sa iyang probinsiya sa Mindoro.

TP wa mahadlok sa pgt

Giklaro sa kampo sa Talentadong Pinoy sa TV 5 nga wa sila mahulga sa pagtumaw sa kaatbang nila nga Pilipinas Got Talent sa ABS-CBN, sanglit aminado sila nga solid gyud ang ilang followers.

Bag-ong Gimik

Gituohan nga bag-ong gimik ang pag-angkon ni Aljur Abrenica nga na-develop na siya ni Kris Bernal. Matud pa sa iyang kritiko nga gituyo lang kini ni Aljur aron subling matabonan ang relasyon nila ni Rich Asuncion.

Pepeng Agimat matapos na

Karong hapon na ang katapusang episode sa Pepeng Agimat  sa ABS-CBN nga gibidahan ni Jolo Revilla. Giawhag usab ni Jolo ang iyang fans nga padayon nga mosuporta sa sunod nga Agimat  series  nga bidahan ni Coco Martin  nga nag-ulohan og Tonyong Bayawak.

Roxanne kaslon January 2011

Gibuking ni Tim Yap, pinaagi sa iyang Twitter account, nga January 2011 magpakasal si Roxanne Guinoo ngadto sa iyang ig-agaw nga si Elton Yap.

JC mubiya lagi gyud

Misamot gyud ang taho nga inihap na lang ang mga adlaw ni JC de Vera sa Panday Kids tungod kay mulayat gyud kini paingon sa TV5 diin may nagpaabot niya nga drama series. Sa Marso mapupos ang kontrata ni JC sa GMA-7.

Chariz diriyot kawati

Diriyot mabiktima og Akyat Bahay ang komedyana ug Starstruck graduate nga si Chariz Solomon.

Kris dili pwede sa crowded places

Wala misalmot si Kris Aquino sa People Power activity didto sa Araneta niadtong Huwebes, tungod kay gitambagan siya sa iyang doctor nga maglikay una sa bagang duot sa mga tawo... Ryan Mark

No.1  fan ni Juday

Gipangandoy ni Empress Schuck nga mahisama sa istado sa iyang idolo nga si Judy Ann Santos nga gihulagway niya nga successful drama actress.

Ylmaz is coming

Gikatakdang mobisita  sunod buwan dinhi sa Pilipinas ang ex-husband ni  Ruffa Gutierrez nga si Ylmaz Bektas. Kini suma pa ni Tim Yap sa iyang Twitter account kagahapon.

Rated X

Rated X ang naangkon rating gikan sa  MTRCB sa indie film  nga  “Romeo at Juliet” nga gibidahan nila ni Alessandra  de Rossi ug  Victor Basa, gumikan matud pa sa “strong sexuality” niini.

Arnel nagkahinay?

Giingong dili kaayo kusog si Arnel Pineda sa mga probinsya kay matud pa wa kaayo dumogi sa mga tawo ang nagkadaiya niya nga provincial shows.

Sweet motikang sa TV 5

Gumikan sa wa pagdayon ni Ricky Lo sa TV 5, si John Lapus matud pa ang mohulip kaniya sa usa ka showbiz talk show sa maong network.