Kring Kring dati nang gandang Ricky

MANILA, Philippines -  Nang unang pumalaot sa showbiz ang tisay at mala-manyikang Barbie na si Cristina “Kring Kring” Gonzales ay nakilala siya bilang anak ng Sampaguita matinee idol at may-ari ng recording studiong Cinema Audio na si Jose Mari.

‘Tuwang-tuwa ako kay Kring noon. Siya ’yong di mo pagsasawaan ang ganda ng mukha kaya di ka rin mahihirapang ayusan. Natural na kulot ang buhok at tunay na kutis-porselana. Kaya nga isa siya sa mga original na Gandang Ricky Reyes. Tulad nina Helen Gamboa, Sharon Cuneta. Ruffa Gutierrez,” sabi ng beauty guru na si Ricky Reyes.

 Ngayong Linggo sa Life and Style With Gandang Ricky Reyes sa Q 11 alas-diyes hanggang alas-onse ng umaga’y may one-on-one interbyu si Mader Ricky kay Cristina na ngayo’y maybahay ni Tacloban City Mayor Alfred Romualdez, may restaurant chain, mapagmahal na ina ng mga anak at maraming livelihood program sa Tacloban.

 Malaking kakulangan ng showbiz ang Tisay pero maswerte ang Tacloban dahil dito ngayon nakatutok ang kanyang pansin at panahon.