Richard Gomez disqualified

CEBU, Philippines - Gi-disqualify sa Comelec si Richard Gomez sa iyang kandidatura pagka-kongresista sa third district sa Ormoc, City gumikan sa residency issue.

MMK sa Gaisano Main

Mutekang sa Gaisano Main Foodsquare ang headwriter ug mga staff sa nabantog na kaayo nga Maalaala Mo Kaya sa ABS-CBN alang sa usa ka “story gathering activity.” Mahitabo kini ugma puhon, Biyernes, February 19—hangtud sa Domingo, February 21. Ang mga interesado, kinahanglan lang nga mu-submit sa ilang life story diha sa Gaisano Main Foodsquare gikan 9:30 am-7:30pm. Ang istorya nga mapili, himuan og duwa sa telebisyon.

Misamot ang intriga

Misamot ang intriga karon tali nila ni John Lloyd Cruz ug Shaina Magdayao tungod sa usa ka hulagway nga nadawat sa Philippine Entertainment Portal gikan sa usa ka nagpaila nga “ shyspy.” Ang duruha nagkuyog samtang mipalit og bicycle parts si Loydie didto sa Makati niining bag-o lang. Pwes, nautingkay pud ang matud pa, 29 missed calls ni Shaina sa cellphone ni Loydie.

Kanhi ni Deniis nagpakasal na

Secretly married na matud pa sila si Carlene Aguilar ug Yo Ocampo. Pwes, kun tinuod ang maong taho, imposibli na gyud nga magkabalik pa sila si Carlene ug Dennis Trillo, tungod ug alang unta sa ilang anak nga si Calix Andreas.

Rich wapa kadawat

Nagyawyaw si Rich Asuncion tungod kay hangtud karon wala pa diay niya madawat ang P175,000 nga premyo niya isip Bb. Pilipinas First-Runner Up niadtong milabay nga Marso. Matud niya gisigihan lang siya og saad, busa milungtad hangtud karon nga wala pa gyud siya makatilaw sa iyang premyo.

Angel nominado sa Twitter

Nominado sila si Angel Locsin ug Daniel Razon sa The Shorty Awards, nga giisip nga maoy “Oscars of Twitter.” Lima ang kontra ni Angel sa Best Twitter Celebrity category, samtang si Razon sa Best Journalist in Twitter category. Ipahigayon ang awarding sa 2nd Annual Shorty Awards karong March 3 sa Times Center nga nahimutang sa The New York Times Building.

Rubi ray midaug

Bugtong ang pilot episode ra gyud sa Rubi, starring Angelica Panganiban maoy nagmadaugon niadtong Lunes sa gabii sa Mega Manila. Ang rating nga gimantala sa PEP gikan sa AGB Nielsen nagpakita nga GMA-7 shows ang nangharos didto. Ang sultada mao ni: Feb. 15 AGB Ratings: First 20.8/Yaman 17.5; 24 29.3/TV 26.5; Darna 32.1/Agua 31.3; Prince 31.1/KTM 30.3; Full29/HMB 28.1; Rubi 23.34QSD 20.7

Kapamilyang Miriam

Gikatakdang mopirma og exclusive contract bisan unsang orasa sa ABS-CBN ang beauty queen ug kanhi Kapuso star nga si Miriam Quiambao.

First acting job

Giingong malakip sa programang Your Song sa ABS-CBN ang kanhi PBB Double Up housemates nga sila si Sam Pinto, Cathy Remperas, Tom Rodriguez, Hermes Bautista, Riza Patria ug Rica Paras .

Roxanne magminyo na

Gikatahong magpakasal na sunod tuig si Roxanne Guinoo sa iyang non-showbiz boyfriend nga usa ka Filipino-Chinese. Giklaro hinuon sa kampo sa aktres nga ipadayon gihapon niini ang iyang showbiz career.

Jolo mag-politiko puhon

Si Jolo Revilla maoy mutikang sa mga lugar nga dili mapangampanyahan sa iyang amahan nga si Sen. Bong Revilla Jr. Busa napanglantawan nga si Jolo maoy musunod sa mga tunob sa iyang amahan sa natad sa politika.

Ogie dili mubiya sa BG uy!

Gipadayag ni Ogie Alcasid nga dili tinuod ang tsismis nga matud pa mobiya na siya sa programang Bubble Gang sa GMA-7. Tsika pa sa singer nga na-busy lang siya sa iyang mga konsyerto sa abroad busa kanunay siya nga absent sa Bubble Gang.

Tibo interesado sa showbiz

Gibutyag sa PBB Double Up 5th Big Placer nga si Tibo Jumalon nga mag-negosyo una siya sa Cagayan de Oro samtang nagpaabot pa siya og maayong oportunidad sa showbiz. Aminado si Tibo nga dili siya kamao mu-arte apan makat-on ra siya niini kung mosulod siya og acting workshops.