Senator Bong: "Famous Philanderer"

CEBU, Philippines - Gipaabot nga muolbo ang kaspa ni Senator Bong Revilla Jr. sa higayon nga makabasa na kini sa artikulo nga sinuwat ni Loraine Belmonte para sa MEGA magazine February issue nga giuluhan og “Mistress Mischief.”

Tsika sa Pang-Masa nga nalakip si Senator Bong sa listahan sa nahisgutang writer sa mga Famous Philanderers diin naa pud sila si Tiger Woods, John F. Kennedy, King Henry VII, ug Prince Charles.

Ang entry pa gyud para kang Bong sa maong artikulo nagkanayon: “Sen. Bong Revilla’s many affairs include Gretchen Barretto in 1992 and beauty queen, Josephine Canonizado, with whom he had a love child with in 2007.”

Sa English dictionary ang Philanderer gihulagway isip, “have casual affairs with women.” 

Unsaon na lang ang imahe sa senador niini, ilabi na nga siya maoy nag-una sa surveys pagkakaron?

Paolo nanluod pa ni Mylene

Wa pa gyud matud pa muduaw si Paolo Paraiso sa ilang mga anak ni Mylene Dizon. Nanluod pa gyud matud pa si Paolo kang Mylene human kini nakigbalik kang Ira Cruz, kinsa bag-ohay lang pud nakigbuwag kang Phoemela Baranda human sa tulo ka tuig nga relasyon.

Celebrity endorsers dili na mu-leave

Dili na kinahanglang mu-leave o mu-resign ang mga celebrities nga dunay gipaluyuhan nga kandidato. Kini maoy labing bag-ong pamahayag sa Comelec. Suma pa sa maong komisyon, kinahanglan lang nga mu-resign o mu-leave ang mga artista kung ang network mismo nga ilang gialagaran maoy magtinguha niini.

Juday gipangulitawhan ni Gibo

Giangkon ni Judy Ann Santos nga gipangulitawhan karon sa kampo ni Gibo Teodoro ang iyang manager nga si Alfie Lorenzo. Kini aron siya maoy himuong endorser sa nahisgutang presidentiable.

Pag-sure Jamby!

Nasakitan kaayo si Judy Ann Santos sa pamahayag ni Senator Jamby Madrigal nga nagbasul siya nganong ang aktres maoy iyang gikuhang endorser.

Mark gihulipan og duha

Duha kabuok ang hulip kang Mark Bautista isip endorsers sa Le Froge t-shirts. Sila mao si Edgar Allan ug Joross Gamboa...Ryan Mark