Melai rayna sa PBB

CEBU, Philippines - Ang pambato sa General Santos nga si Melissa Cantiveros maoy natuboy nga big winner sa “Big Date on the Big Night” sa Pinoy Big Brother Double Up niadtong Sabado sa gabii sa Ninoy Aquino Stadium.

Nakaangkon si Melai og 1,226,692 votes, samtang ang Negosyo Prince of Cebu nga si Paul Jake Castillo maoy 2nd Big Placer uban sa 1,044,295 votes.

Natuboy usab nga 3rd Big Placer ang “Boy Astig sa Mindoro” nga si Jason Francisco kinsa nakalangkat og 954,961 votes.

Ang “Cutie Server sa QC” nga si Johan Santos maoy 4th Big Placer uban sa 303,751 votes, samtang ang garbo sa Cagayan nga si Steve “Tibo” Jumalon maoy 5th Big Placer nga nakakuha lang og   294,161 votes.

Bongga usab nga production number ang gidalit sa Big 5 sa dihang mi-guest sila sa programang ASAP kagahapon.

Erich-Enchong movie

Mipirma si Erich Gonzales og kontrata sa Star Cinema sa miaging adlaw busa naghinam-hinam na og maayo ang dalaga nga malakip sa usa ka bongga nga pelikula sa nahisgutang movie outfit . Gikataho nga si Enchong Dee maoy leading man ni Erich sa unang proyekto niini sa Star Cinema.

Mylene ug Paolo wa magtingog

Matud pa nga wa magtingog karon sila si   Mylene Dizon ug Paolo Paraiso. Giingong panagsa na lang mobisita si Paolo sa anak nila ni Mylene tungod sa ka-busy niini.

Buotan nga magtiayon

Aktibo ang magtiayong Claudine Barretto ug Raymart Santiago sa nagkadaiyang kalihukan sa Department of Social Welfare and Development. Adbokasiya sa magtiayon ang pagtabang sa mga bata nga gipamiyaan sa ilang mga ginikanan.  

 “Pinaka” paborito sa viewers

Aminado ang QTV nga epektibo gyud nga host si   Rovilson Fernandez sa “Pinaka”   hinungdan nga nagpabilin gihapon kini sa telebisyon. Gipaneguro ni Rovilson nga  di gyud mausab ang estilo niya sa pag-host sanglit nasayod siya nga paborito gyud sa mga viewers sa QTV ang “Pinaka”.

Carlos maayo gihapon moarte

Malipayon si Carlos Agassi kay bisan taud-taud na siya nga mipahuway sa showbiz, nakadawat gihapon siya og daghang pagdayeg sa iyang partisipasyon karon sa   Agua Bendita. Matud pa nga maayo lang gihapon moarte si Carlos atubangan sa camera.  

Erick gisaway

Tsika pa sa mga himantayon nga   way angay si Erick Santos sa iyang pag-revive sa awit nga Miss You Like Crazy nga mao usab ang titulo sa pelikula nila ni Bea Alonzo ug John Lloyd Cruz. Matud pa nga babaye maoy angayan nga mo-revive sa maong awit.

Fans ni Charice naalarma

Naalarma ang mga fans ni Charice Pempengco kay basin maapektohan ang singing career sa ilang idolo gumikan sa padayon nga panagbangi sa inahan ug apohan sa batang singer. Pero tsika pa ni Charice nga dili siya magpaapekto niini sanglit masulbad ra sa di madugay ang maong problema.  

Ronie ganahan ni Maricar

Gipadayag ni Ronie Liang nga type niya ang controversial actress nga si Maricar Reyes busa duna siya’y plano nga modiskarte niini puhon.

Magazine show for Carmina

Malipayon si Carmina Villaroel gumikan kay usa ka magazine show ang nagpaabot kaniya kung mahuman na ang iyang commitment sa fantaseryeng The Last Prince sa GMA-7. 

Richard-Claudine movie sa US

Gipaabot nga hugyaw ang umaabot nga pelikula nila ni Richard Gutierrez, Claudine Barretto ug Anne Curtis sa Viva Films gumikan kay sa Amerika himoon ang pipila ka eksena niini.Excited na si Richard sa maong proyekto gumikan kay wa niya damha nga iyang makauban si Claudine sa usa ka pelikula kinsa iyang giidolo kaniadto.