Angel nakipaghiwalay na sa manager

Unang nag-resign sa bakuran ng ABS-CBN ang veteran script­writer na si Jake Tordesillas na Kapuso na ngayon. Su­munod naman ang isa pang veteran and award-winning script­writer na si Ricky Lee na pagkatapos ng mahigit sam­pung taong paninilbihan sa Kapamilya bilang creative head ay nag-resign na rin pero hindi para lumipat sa ibang TV network kundi gusto niyang balikan ang pagiging isang free­lancer at kasama na rito ang pagtanggap ng iba’t ibang projects mula sa iba’t ibang film companies and TV networks. Malamang na balikan din niya ang pagtuturo at pagdagdag pa ng mga libro.

 “Wala naman akong naging problema sa ABS-CBN. In fair­ness to them, nag-counter offer din sila para hindi na ako uma­lis pero gusto ko munang i-enjoy ang bago kong freedom,” pahayag ng simple and soft-spoken writer na si Ricky.

* * *

Kung tutuusin, Salve A., malaking risk ang gi­na­­­wa ng GMA 7 para sugalan ang tatlong bagi­tong teeners na sina Barbie For­teza, Joshua Dio­ni­sio at Jhake Vargas para sa youth-oriented ro­man­ce-drama TV series na First Time na pina­ma­­­mahalaan ni Andoy Ranay at magsisimulang ma­­­panood ngayong Lunes, bago ang 24 Oras news dahil wala pa silang gaanong pruweba ma­liban na lamang sa magandang ratings na ka­nilang ipinakita sa isang special episode ng Dear Friend at bilang batang Jodi, Cholo at Tristan sa top-rating Pi­noy adap­tation ng Koreanovela na Stairway to Heaven. Actually, ito ang nagbunsod sa GMA man­agement na bigyan ng magan­dang break ang tat­long bagets.

 “Remember, our big stars now were totally un­known nung sila’y magsimula. Kung hindi rin sila na­bigyan ng maga­gan­dang break ay baka hindi pa rin sila kilala hanggang ngayon,” pahayag ng isang lady executive ng Kapuso. 

* * *

Alam mo, Salve A., marami sa ating mga kila­lang politicians ang natulungan sa kanilang res­pec­tive political careers ng kanilang mga popular wives tulad na lamang ni Gov. Vilma Santos kay dating senador at NEDA Director Ralph Recto, Me­gastar Sharon Cuneta para kay Sen. Kiko Pangilinan, at si Korina San­chez-Roxas para kay senador at vice presidentiable na si Mar Roxas. Nariyan din si Dawn Zulueta sa husband niyang si Rep. Anton Lagdameo, si Assunta de Rossi kay Rep. Jules Ledesma, si Councilor Cristina “Kring-Kring” Gonzales-Romualdez kay Mayor Alfred Romualdez, si dating First Lady Imelda Romualdez-Marcos kay dating Pangulong Ferdinand Marcos. Kahit si Manay Gina Vera-Perez de Venecia ay malaking asset kay dating House Speaker Jose de Venecia at marami pang iba.

Sa darating na halalan, tiyak na malaking role ang gagampanan ng mga popular political wives para sa kanilang mga asawa na muling sasabak sa pulitika.

* * *

BITS & PIECES:

Gaano kaya katotoo ang balitang wala na si Angel Locsin sa pa­nga­nga­­laga ng kanyang manager na si Becky Aguila? Kung ito’y totoo, Salve A., hindi ito ang unang beses na nagka­hi­walay sina Becky at Angel.

Speaking of Angel, nasasabik na rin ang kanyang mga tagahanga hindi la­­mang sa Pilipinas kundi maging sa ibang bansa kung kelan muling mapa­pa­nood sa small screen ang kanilang idol. Sa pagkakaalam namin, maraming projects ang nakatak­dang simulan ni Angel sa bakuran ng ABS-CBN at ka­sa­ma na rito ang bagong TV series na pagtatambalan nila ni John Lloyd Cruz at pelikula with Aga Muhlach.

Tila lackluster ang bagong reformat na SOP kung ikukumpara sa katapat nitong programa sa ABS-CBN, ang ASAP. Dapat sigu­ro’y pagtuunan ng pan­­sin ng mga namamahala ng programa ang SOP kung gusto nilang ma­kahabol sa ratings ng ASAP.

* * *

[email protected]