Marian at Dingdong magliliwaliw sa Paris
Mama Salve, umalis kahapon sina Marian Rivera at Dingdong Dantes. Magkasabay ang dalawa na bumiyahe sa Middle East dahil ka-join sila sa concert nina Ogie Alcasid at Regine Velasquez.
Six pm ang flight ng mag-dyowa kaya maaga silang nagpunta sa NAIA. Lumipad sina Marian at Dingdong via Qatar Air.
Mula sa kanilang show sa Middle East, didiretso sa Spain ang dalawa. Makikipagkita si Marian sa kanyang ama at siyempre, may-I-introduce niya si Dingdong. May plano rin sina Marian at Dingdong na magliwaliw sa Paris. Sasamantalahin nila ang mahaba-habang pagbabakasyon dahil sasabak agad sila sa trabaho sa kanilang pagbabalik.
At dahil magkasama sila sa biyahe, asahan na natin ang next tsismis tungkol kina Marian at Dingdong, ang kanilang pagpapakasal sa abroad.
Ganyan sa showbiz, paulit-ulit ang mga isyu, iba’t ibang artista lamang ang sangkot.
* * *
Nakita ko ang litrato na kumakalat sa Internet. Ito ‘yung litrato ni Henry Omaga-Diaz habang nagre-report siya tungkol sa isang plane crash.
Naging news ang pagbabalita ni Papa Henry dahil imbes na plane crash, plane CRUSH ang nakalagay sa graphics.
Normal na nangyayari ang ganyan sa TV, lalo na kung live ang show. Nalito siguro ang gumawa ng graphics kaya hindi niya napansin ang pagkakamali. Magkasing-tunog kasi ang crush at crash!
Eh matalas ang mata ng televiewers. Na-grab kaagad nila sa TV ang eksena ni Henry at ito ngayon ang kumakalat sa Internet at nagpapa-smile sa mga nakakakita.
* * *
Pinalakpakan ng mga reporter ang cheering squad ng School of St. Anthony (SSA) na nag-perform sa press launch ng First Time.
Namangha ang mga reporter sa pagtalon at paglipad ng mga bagets sa ere. Death-defying ang drama ng cheering squad kaya puring-puri sila ng press people.
Ang First Time ang new show ng GMA 7 na papalit sa Ikaw Sana na magwawakas sa Biyernes. Mga bagets ang bida ng First Time at tungkol sa kanilang mga first love ang kuwento ng show.
Starring sa First Time sina Joshua Dionisio, Barbie Forteza at Jhake Vargas, ang protegee ni German Moreno.
Una kong na-meet si Jhake sa presscon ng Patient X. Nagpanggap ang bagets na hindi niya naririnig ang mga side comment ko tungkol kay TJ Trinidad pero nang magkita kami sa studio ng GMA 7, si Jhake pa ang nagpaalala sa akin ng mga kapilyahan ko.
Malaki ang posibilidad ni Jhake na magtagal sa showbiz dahil marunong siyang umarte. Expressive ang mga mata niya at may karakter ang kanyang face. Sundin lang niya ang mga payo ni Kuya Germs, nakakasiguro si Jhake ng bright future.
* * *
Dedma ang isang male celebrity sa mga patutsada ng talent manager na balitang-balita na obsessed sa kanya.
Effective ang pangdededma ng male celebrity dahil lalong naiirita ang talent manager na binansagan na Glenn Close, ang mahusay na Hollywood actress na bida sa Fatal Attraction.
Nasakal yata ang male celebrity sa trato sa kanya ng talent manager kaya minabuti niya na hingin ang kanyang kalayaan. Aanhin nga naman niya ang fame and fortune kung daig pa niya ang isang birdie na nakakulong sa hawla?
- Latest
