Arnold Schwarzenegger darating ng 'Pinas

MANILA, Philippines - Bibisita sa bansa si California Governor Arnold Schwarzenegger sa susunod na buwan upang bi­sitahin ang mga naging pinsala ng bagyong On­doy at Pepeng.

Kinumpirma ito ni Butch Meily, executive direc­tor ng Philippine Disaster Recovery Foun­dation.

Wika pa ni Meily sa media briefing sa Mala­cañang kahapon, magsasagawa ng assessment ang tinaguriang ‘governator’ ng California sa lawak ng pinsala ng dalawang bagyong dumaan sa bansa at upang malaman din kung magkano ang maaring ibibigay na tulong nito.

Idinagdag pa ni Meily, nais ding ibahagi ng Holly­wood actor at ngayon ay California governor sa pina­­planong pagtulong sa reconstruction ng mga na­salanta dahil sa karanasan nito sa mapa­min­salang hurricane Katrina sa kanilang estado. (Rudy Andal)