Role ni Jodi inaapela
Bagamat hindi na natin sila kapiling ngayon, hindi malilimutan ng sambayanan ang kabayanihan at mga sakripisyong nagawa ng dalawang maituturing na most prolific people in our history, sina dating senador Ninoy Aquino and former president Cory Aquino.
May two-part series na ginawa ang Maalaala Mo Kaya na mapapanood ang unang bahagi ngayong gabi sa ABS-CBN tungkol sa kuwento ng wagas nilang pag-iibigan. Saan nga ba nagsimula ang pag-iibigan ng dalawa? Ano ang kanilang mga pinagdaanan? Lahat nito mabibigyang kasagutan simula ngayong gabi.
The two-part series is headlined by Piolo Pascual as Ninoy and Bea Alonzo as Cory. They are supported by an ensemble cast of acclaimed actors. Jeffrey Jeturian directs from the script of Joan Habana.
Marami ang nagtatanong kung bakit hindi na lang si Kris Aquino ang gumanap ng sarili niyang role sa halip na si Jodi Sta Maria. Hindi sa tinatawaran ang kakayahan ni Jodi na maging Kris pero sabi ng nakakarami, mas maganda kung si Kris na lang ang gumanap ng present Kris, in a guest performance.
* * *
Pormal nang nanumpa ang bagong pamunuan ng Philippine Movie Press Club (PMPC) nung Huwebes ng tanghali, ika-21 ng Enero, 2010, sa harap ni Senator Manny Villar.
Pinangunahan ng bagong halal na pangulong si Melba Llanera, ang bagong pamunuan ng PMPC na binubuo nina Mell Navarro (Vice President), Mildred Bacud (Secretary), Rodel Fernando (Asst. Secretary), Boy Romero (Treasurer), Robert Pangis (Asst. Treasurer), Rommel Galapon (Auditor) at Sandy Es Mariano (PRO). Ang Board of Directors ay binubuo nina Eric Borromeo, Blessie Cirera, Roldan Castro, Fernan de Guzman, Monching Jaramillo, Gerry Ocampo, at Rommel Placente.
Sa pagsisimula, hangad ng bagong pamunuan ang pagkakaisa, ang suporta at tulungan ng bawat miyembro, at ang pagtatagpo sa isang layunin : ang mabigyan ng magandang pangalan ang isang samahan sa kabila ng intriga at mga hamong dumarating.
* * *
Ipinagmamalaki nina Gerald Anderson at Kim Chiu ang balik-pelikula nilang Paano Na Kaya na ipalalabas ngayong January 27.
Kabado ang dalawa dahil medyo matagal na rin since ginawa nila ang I’ve Fallen For You pero, confident sila na magugustuhan ng manonood ang istorya ng dalawang mag-best friends na na in love sa isa’t isa.
- Latest
