Resulta sa paglinabad

CEBU, Philippines - Gikatakdang mobalik na si Kristine Hermosa sa Canada gumikan kay walay gikatakdang proyekto ang ABS-CBN alang kaniya human sa iyang Dahil May Isang Ikaw. Gidudahan nga ang attitude problem sa aktres maoy hinungdan nga wa dayon siya hatagi og proyekto sa iyang network.

Hatagan gyug serye

Dunay teleserye matud pa nga himuon si Gelli de Belen sa GMA-7 isip hulip sa nawagtang na nga Sis. Pero nagdumili siya paghatag og dugang detalye kabahin niini tungod kay wala pa siyay pagtugot.

Kim wa mahulga ni Sam

Gipadayag ni Kim Chiu nga wa siya mahulga sa mensahe sa kanhi PBB Double Up housemate nga si Sam Pinto kinsa miangkon nga dunay crush kang Gerald Anderson. Kahinumduman nga interesado usab si Sam nga makauban si Gerald sa usa ka proyekto.

Bag-ong imahe ni Kris

Isip bag-ong vocalist sa South Border, giusab na ni   Kris Lawrence ang iyang imahe. Dili na niya sul-ubon ang iyang kalo sa higayon nga mokanta siya sa entablado.

Way isyu

Way problema alang kang Jacklyn Jose kung kauban man niya karon ang anak ni Mark Gil nga si Maxene Eigenman sa Kung Tayo’y Magkakalayo. Suma pa ni Jacklyn, suod siya sa mga anak ni Mark ug magbisitahan gihapon sila niya hangtud karon.

OhKris

Uyon ka ba sa pag-komprontasi ni Kris Aquino kang Mayen Austria kinsa giingong nagpunay og tawag kang James Yap sa cellphone. Ug uyon ka ba usab sa hukom ni Kris pagbiya sa ilang pinuy-anan ni James aron duna silay “time and space” pagsulbad sa ilang problema?

Ipahungaw na ang imong opinion hugyawnatics. I-text ang imong ngalan ug address ngadto sa : 09229742603. No personal attacks, no below the belt comments—just plain opinion! Kutob ra karong alas dos sa hapon (2pm, January 19) ang atong pagdawat sa inyong mga mensahe, aron mapatik dayon ugma.

Abilidad ni Maja pang-indie

Giangkon ni Coco Martin nga mas milawom ang ilang relasyon ni Maja Salvador samtang ilang gihimo ang soap nga Nagsimula Sa Puso. Pero wala siya’y plano nga panguyaban si Maja tungod kay priority nila ang ilang career.

Samtang kung dunay ikahimuot si Maja kang Coco, kini mao ang komento sa award-winning actor kabahin sa abilidad sa dalaga sa pag-arte.

“Naging malalim lang yung friendship namin ni Maja pero, siguro hanggang dun na lang muna yun.. May career kami na dapat bigyan ng atensyon. Mabait si Maja, masayahin pero, malalim na artista. Kapag magkasama kami nawawala yung Coco at Maja. Yung mga characters namin ang nabubuhay. Kaya naman marami ang nag-akala na pwedeng maging kami, dahil sa Nagsimula… naging kami at napaka-lalim ng aming naging relasyon.. Dala dala namin ang characters namin hanggang offcam. Ibang klase si Maja, para rin siyang nanggaling sa indie,” dayeg pa ni Coco kang Maja.

Mahuman ang Nagsimula Sa Puso karong semanaha, pero may proyekto na dayon si Coco—ang Kung Tayo’y Magkakalayo nga nagsugod kagabii.   (Sanden J. Anadia)