Finalists ng Picture Flawless napili na

MANILA, Philippines - Malapit nang lumabas ang mga finalists sa Picture Flawless contest na magtatapos sa isang bu­wan sa pagkilala sa mga magwawagi.

Magiging busy ang mga contestants sa papa­rating na Pebrero dahil aaligagain nila ang mga pamilya’t kaibigan, pati na ang mga suking kliyente ng Flawless, sa pagboto sa text o sa pagtangkilik ng mga produkto, at serbisyo sa 32 branches sa buong Pilipinas para maging katumbas ng boto nila.

Ang dalawang magwawagi sa kompetisyon ay makakakuha ng P800,000 cash at iba pang premyo. Higit sa lahat, irerepresenta din nila ang kumpanya kasa­bay ng mga malalaking artistang nag-eendorso ng Flawless: Lorna Tolentino, Judy Ann Santos, Richard Gutierrez, Mark Herras, Yasmien Kurdi, Alyssa Alano, at Butch Francisco.

Kahit sino ay puwedeng humabol sa pagboto para sa napiling contestant dahil may pagkakataon ding magkamit ng premyo ang magti-text para sa Jan. 18 draw na may walong mapipiling text voters na makakapag-uwi ng P8,000 halaga ng Flawless gift certificates (GCs) at sa Feb. 8 draw naman ay dala­wang text voters ang makakapag-uwi ng P80,000 Flawless GCs. Siyempre, mas maraming boto, mas maraming tsansa na mabunot ang masuwerteng text voter.

Mapalad din ang mga branch voters dahil sa bawat piso na nagagas­tos sa Flawless clinic ay katumbas na ng isang boto. Sa Jan. 18 draw, walong branch voters ang makakakuha ng P8,000 cash. At sa finals night, dalawang botante na sumuporta sa Mr. & Ms. Flawless ang maa­aring manalo ng prem­yong aabot sa P80,000 cash!

Kaya pag-aralan nang mabuti ang pagpili ng mga magagandang contestants dahil sila ang makikita sa mga susunod na modelo sa paboritong Flawless branch.