Pangit ipinagtanggol ni Kris
MANILA, Philippines - Sa ika-apat na araw ng The Last Prince, sa GMA 7, mas magugulo pa ang Palasyo ng Paladino at ang buhay ng bidang prinsipe.
Hindi magpapakita si Almiro (Aljur Abrenica) kay Lara (Kris Bernal); natatakot siya na baka mapahiya sa dalaga dahil pangit siya.
Pagsasabihan nina Rosata (Chanda Romero) si Almiro; dapat nagpakita ito kay Lara dahil baka siya na nga ang babaeng hinihintay nila. Manghihinayang tuloy si Almiro.
Pagmamalupitan naman ni Mayang (Angelu de Leon) si Lara. Magtataka ang lahat kung paano sumulpot ang mansion sa gitna ng gubat. Akala nila ay halimaw ang nakatira dito.
Biglang maaalala ni Lara na may nagligtas sa kanya.
Bukas (Enero 15), magkakaroon ng bonggang party sa hardin ng mansion at lahat ay imbitado.
Asar naman ang prinsipeng si Almiro kasi makikilala siya sa kanyang pangit na anyo.
Matutuklasang buhay pa pala si Prinsipe Javino (Geoff Eigenmann), kaya lang hindi ito tumatanda. Makikita ni Lara ang guwapong si Almiro at magkakagusto siya dito. Mapupulot naman ni Bambi (Angelie Nicole Sanoy) ang bote ni Rizayo (Benjie Paras).
Pagtatawanan sa party ang kapangitan ni Almiro, ipagtatanggol naman siya ni Lara. Ang hindi alam ni Lara ay narinig pala siya ni Almiro, maiisip ni Almiro na si Lara na ang babaeng makakabali ng sumpa.
Abangan ang mga susunod na eksena sa The Last Prince.
- Latest
