Boobs ni Juday nahawakan ni Derek
Disappointed ang fans ng isang magandang aktres dahil hindi nito sinipot ang in-organize nilang reunion party para sa aktres, sa kapareha nitong aktor sa malapit nang magtapos na soap at sa kanilang mga fans na karamihan ay galing pa sa ibang bansa.
Ang iba’y nag-leave sa kanilang trabaho para lang makarating sa reunion at idagdag pang gumastos dahil nag-ambag-ambag sila para mairaos ang isang bonggang reunion party.
Inayusan pa ng mga fans ang venue ng party para mas matuwa ang aktres at ang kapareha nitong aktor na ex-BF niya. Pero ang aktor lang ang dumating at nakisaya sa fans, no show ang aktres at tila ‘di inisip ang effort ng fans para sa kanila ng ka-loveteam.
Before the party, nakausap ng isang reporter ang aktres at tiniyak na sasaglit siya sa reunion party, pero hindi nito tinupad ang salita’t hindi siya dumating. Hindi maiwasang maghinala ng fans na hindi pinayagang pumunta sa party ang aktres ng current BF.
* * *
Bukod sa laging may nurse at doctor sa taping ng Habang May Buhay, kumuha rin ng crash course on nursing si Judy Ann Santos para magampanan ng tama ang role niyang nurse at makumbinse niya ang viewers na isa nga siyang nurse.
Nag-enjoy siya sa pagkuha ng blood pressure at naa-apply niya sa everyday life ang natutunan sa pagkuha ng crash course.
Matutuwa rin ang mga nurses sa ipinahayag ni Judy Ann tungkol sa dedikasyon nila sa kanilang trabaho. Sabi ni Judy Ann : “Sobrang tindi ng respeto ko at bilib ako sa kanila dahil kahit maliit ang suweldo, buong buhay nila inaalay sa pag-aalaga sa ibang tao. Nakabibilib din ang haba ng pasensiya nila. Ngayon ko na-realize kung bakit kahit sa ibang bansa, gustung-gusto ang Filipino nurses.”
May eksenang hinawakan ni Derek Ramsay ang boobs ni Judy Ann, pero sabi ng aktres, wala siyang boobs kaya walang nahawakan ang aktor. Saka sa mga ganung eksena, may mga magic na ginawa si direk Wenn Deramas para lumabas na makatotohanan ang eksena. May lovescene rin sila ni Derek na ‘di na nito nakuwento kung paano kinunan.
* * *
Umeere na ang bagong political ad ni Sen. Noynoy Aquino sa ABS-CBN at GMA-7. Walang ibang kasama ang senador sa kanyang ad, wala si Kris Aquino at mga supporter niyang artista na in fairness, magandang lumabas.
* * *
Natawa’t naaliw ang staff ng StarStruck V kay Pierro Vergara, ang latest na natanggal sa reality-based artista search kasama si Princess Snell. Nagtanong daw si Pierro kung sabay nang pagka-eliminate niya ay hindi na rin siya bibigyan ng P3,000 allowance ng GMA 7.
Hindi na narinig ng aming source ang sagot ng staff, pero malamang ititigil ang pagbibigay ng allowance sa mga natsutsugi sa StarStruck. In fairness, kailangan ni Pierro ang allowance na ‘yun dahil babalik siya sa kanyang pag-aaral sa Angelicum at kung bibigyan man siya ng trabaho ng network, after three months pa raw.
- Latest
