Aktor paurong ang edad

Natawa ang mga reporter na nag-iin­terview sa isang sikat na actor dahil nag­bawas ito ng kanyang edad. Ang alam ng reporter, mas matanda ang actor sa sinasabi nitong edad, pero dahil ipinag­pilitang nasa early thirties palang siya, walang nagawa ang reporter kundi tanggapin ang screen age ng actor, pero alam ng reporter na binawasan ng actor ang edad.

Walang rason para itago ng actor ang tunay niyang edad dahil he doesn’t look his age. Mas bata pa nga siya kesa ibang actor na nasa late 20s ang mga edad. Wala pa siyang crow’s feet around his eyes at walang frown crease sa noo.

Pero sige nga, pagbigyan na lang natin ang actor na he’s younger than his age. Darating din ang araw na aaminin siya ng kanyang tunay na edad.

* * *

Na-corner namin si Kris Bernal sa presscon ng The Last Prin­ce at napag-usapan ang kanyang pagpa­yat. Ang pagtu-two-piece pala niya sa movie nila ni Aljur Abrenica na Nandito Ako ang rason kung bakit siya nag-diet. Ang feeling nito, mataba siya’t malaki ang tiyan, kaya nag-diet for two months na fruits and veggies lang ang kinakain.

Itinanggi nitong nagpa-collagen siya sa pisngi at nag­palagay ng cheekbone. Nag-deny din itong may ipinalagay siya sa kanyang ngipin, kaya parang nag-iba ang kanyang face at pati pagtawa’y nag-iba. Ipinakita nito ang mga ngipin na never niyang ipinaayos.

Samantala, hindi isyu kay Kris ang panga­ngan­tyaw ng press na support lang siya ni Aljur sa The Last Prince dahil ang actor ang bida at title role. Nagsusuportahan daw silang dalawa at kahit supporting role ay tatanggapin niya basta may regular work siya.

 “Takot nga akong magka­roon ng new partner dahil nasanay akong si Aljur ang kapareha ko. Ang feeling ko, nagsisimula uli ako at baguhan akong artista ‘pag ipinareha ako sa iba. Hindi ko ma-imagine na i-partner ako sa iba,” pag-amin ni Kris. 

* * *

Payat si Rhian Ramos nang dumating sa victory party sa pagiging top-grosser ng Carlo J. Caparas Ang Panday. First day daw niya sa one week niyang detoxification at ang puwede lang niyang i-take ay clear liquid at soap and no solid food intake and no cream.

Ang Almost A Love Story epi­sode nila ni TJ Trinidad sa Dear Friend pa lang ang gagawin ni Rhian ha­bang naghi­hintay ng soap. May time siyang mag-travel. Sa Jan­uary 14, aalis siya para tumang­gap ng award sa acting and modeling sa Korea. Tatagal siya roon hang­gang Jan. 16 at habang nasa Korea, wish ni Rhian na makita ang mga Korean actor na favorite niya.

Narinig naming si­na­bi ni Rhian na gus­to pa rin niyang ma­ka­­trabaho si JC de Vera at ‘di totoong kaya nag-back­out siya sa Pan­day Kids da­hil ayaw niyang maka­sama uli ang actor na naka-MU niya nang gawin nila ang La Lola.

* * *

Sa Ikaw Sana, ina­take sa puso si Amanda (Marissa Del­­gado) dahil sa bagong is­kan­dalo sa kan­yang kom­pan­ya. Inope­ra­han si Aman­da, pero napa­ralisa ang ka­la­hati ng kata­wan. Tuwang-tuwa si So­fia (Pauleen Luna) sa nangyari sa kan­yang lola dahil gusto niya itong mamatay sa gina­wa sa kanya at sa inang si Loreta (Ma­ritoni Fernandez).