That's may anniversary pa rin kahit wala na sa ere
Marami ang nagtataka kung bakit mahigit 10 taon nang wala sa ere ang That’s Entertainment pero taun-taon ay isini-celebrate ko pa rin ang anniversary nito. In fact nasa ika-24th year na ito ngayon at next year kung hindi ito nawala ay silver anniversary na sana ng programa.
Hindi lamang naman ako ang nasisiyahan na balik-balikan ang That’s Entertainment kundi maging ang mga manonood ng Walang Tulugan. The show still gives inspiration sa mga baguhang artista.
Hindi bale nang kakaunti ang mga dumarating na malalaking pangalan. Ang mahalaga ay may dumarating. Tulad ni Manila Vice Mayor Isko Moreno, Ara Mina, Donita Rose, Romnick Sarmenta at maging sila ay nakapagbibigay ng inspirasyon sa mga dati nilang kasamahan.
Happy naman ako at proud sa mga achievements ng mga alumni ng That’s. Marami ang matagumpay sa showbiz pero, marami rin ang successful businessmen, politicians, beauty queens, etc. Wala akong nababalitaan na naghihikahos. Kung meron man, magsabi lang sila at handa namang tumulong sa kanila ang mga dati nilang nakasama. O maski na ako.
Ito ang nagbigay sa akin ng inspirasyon na i-celebrate rin ang GMA Supershow. I will feature once more yung mga dating hosts ng show, from Sharon Cuneta to Zsa Zsa Padilla, Lani Mercado, Jean Garcia, Mariz, Dawn Zulueta, Gretchen Barretto at yung mga iba pa.
Next month din, isi-celebrate ko ang 13th anniversary ng Walang Tulugan. Hindi n’yo aakalain na aabutin ng ganito katagal ang show eh halos tulog na ang lahat kapag ipinalalabas ito.
Obviously, marami pa rin ang gising at nanonood ng WT.
* * *
Mapapanood na next month ang serye ng mga kabataang unang napanood sa Stairway To Heaven na sina Joshua, Barbie, Jake at Bea. Very apt ang title nitong First Love. Kasama nila ang bagong Kapusong si Joross Gamboa at ang mga That’s alumni na sina Romnick Sarmenta at Manilyn Reynes.
Na-inspire ang GMA 7 na igawa sila ng series hindi lamang sa magandang performance nila sa Stairway… kundi nang maging bahagi sila ng Dear Friends.
* * *
Sumailalim na pala sa isang operasyon si Mark Anthony Fernandez. Pero wag kayong mabahala, minor operation lamang ito to remove a cyst sa kanyang chest. Puwede na ngang hindi ito alisin pero, alam n’yo naman si Mark, minsan nagpapakita ng katawan sa kanyang mga shows, eh masagwang tingnan kaya ipinaalis na niya.
- Latest
