Nakaaantig na pagtatapos

MANILA, Philippines - Ngayong Biyernes, siguradong luluha ang mga manonood sa nakaaantig na pagtatapos ng kauna-una­hang ChristmaSerye ng GMA Network, ang Sana Ngayong Pasko.

Ang Sana Ngayong Pasko ay pinangungu­nahan ng Queen of Philippine Movies na si Ms. Susan Ro­ces na gumaganap bilang si Remedios, ang ilaw ng ta­h­anan ng pamilya Dionisio na nawalay ng mata­gal sa kanyang pamilya matapos palayasin ng asawa dahil sa maling hinala.

Muling nagbalik sa kanilang tahanan si Remedios pero ang naging problema bukod sa hindi siya tang­gap ng panganay na anak na si Gordon (Christo­pher de Leon), nagkaroon siya ng sa­kit na senile de­mentia kung saan unti-unting nawawala ang kan­yang memorya.

Ang anak niyang si Fely (Gina Alajar), kahit noong una ay may galit kay Re­­medios, ang isa sa mga nagmahal at nagmalasakit sa ina. Ang bunsong anak naman ni Remedios na si Stephen (TJ Trinidad) ay puno ng pasasalamat da­hil nakaramdam ito sa wakas ng pagmamahal at pag-aaruga ng isang ina mula nang dumating si Re­me­dios sa bahay. Ang mga apo naman ni Re­me­dios na sina Rigo (JC De Vera), Elaine (Maxene Ma­­ga­lona) at Jopet (Jacob Rica) tu­wang-tuwa na maka­sama ang kanilang lola.

Bukod dito, alamin kung matatang­gap ba ni Gor­don maging manugang ang nakakulong na si Bernie (JC Tiu­seco) para sa anak na si Elaine? At matapos ibigay ni Rigo ang isang organ para sa amang halos mag-agaw buhay, maging bukas na kaya ang isip ni Gordon sa mga kagustuhan ng anak? At si Pablo, ma­patawad pa kaya siya ng asawa? At isang milagro ba ang darating para gu­maling si Remedios?

Huwag palagpasin sa GMA Telebabad.