Miss Cebu 2010: Mosidlak na ang labing guwapa

CEBU, Philippines - Hay naku! Naku! Naku! mga kabonding, ka-facebook ug mga hugyawnatics, happy New Year kaninyong tanan. Hugyaw gyud ang mga panghitabo karong 2010 ilabi na karong buwana. Back to back ang mga events gikan sa mga concerts sa inyong paboritong artista, kapamilya mall shows, street parade ug mga indigay sa kaanyag. Speaking of kaanyag, lima nalang ka adlaw ug Miss Cebu 2010 na. Kinsa kaha ang musunod sa mga yatak ni Kris Janson?

“My City, My Heritage” ang tema sa Miss Cebu karong tuiga kung diin dose ka mga maanyag nga kandidata ang magtigi sa korona. In fairness, kasagaran nila mga beauty queen gyud ug produkto gikan sa nagka-lainlaing indigay sa Talisay, Liloan, Mandaue, Danao, Lapu-lapu ug mga inter -school pageants pero aduna pu’y pipila ka mga first timers. Ang mga kandidata nanglangkob nila ni Gresa Lugo, Darmae Maningo, Paula Remy Balangkig, Reena Malinao, Celeste Cristy Cajegas, Ciarra Joyce Buot, Natasha Holganza, Carole Monique De Leon, Christine Bernasor, Ma. Eliza Zosa, Rogelie Catacutan ug Kayle Companion.

Mga kahugyawnatics, pwede ninyong ipabuhagay ang inyong suporta sa inyong paboritong kandidata pinaagi sa ilang online voting nga nahimutang sa Ayala Center Cebu ug SM North Wing. Bisitaha usab ang website sa Miss Cebu sa  www.cebucitytourism/misscebu2010. Magkita- kita tang tanan sa Miss Cebu 2010 karong January 12, 2010, 7pm. sa Pacific Grand Ballroom sa Waterfront Hotel and Casino. O di ba HUGYAW gyud? Ugma mga kabonding, ila-ilahon nato og maayo ang mga kandidata dinhi sa Banat Hugyaw.

Kris bag-ong bokalista sa South Border

Si Kris Lawrence maoy bag-ong vocalist sa Pinoy R&B band nga South Border. Dako kining hagit kang Kris sanglit puros sikat ang mga nangaging kanta sa nahisgutang grupo sama sa The Show. Samtang si Kris maoy nagpasikat sa awit nga “I Will Take You Forever”, ang official soundtrack sa Korean series nga Shining Inheritance.

Luis way mahimo

Tsika pa ni Luis Manzano nga wa siya masakiti sa giingong pagpanguyab sa   CNN Hero of the Year Efren Peñaflorida ngadto sa iyang ex-girlfriend nga si Angel Locsin. “Wala naman akong magagawa, it’s none of my business na rin,” nagkanayon si Luis ngadto sa PEP.

Back to Normal

Wa kagata sa publiko ang  “Samson, Lion at Delilah” portion sa  Wowowee busa gipabalik mismo ni Willie Revillame  ang “Hep Hep Hurray”  nga maoy naandan sa mga audience.

Nagkalami nga relasyon

Mapahiyomon ang mga dagway nila ni   Biboy Ramirez ug Vaness del Moral kay gisaulog nila kagahapon ang ilang 4th monthsary isip mag-uyab.

Big Utol nasobraan ra

Napuno karon sa pagsaway ang Big Utol nga maoy temporaryong mihulip ni Kuya sa Pinoy Big Brother Double Up . Matud pa sa mga himantayon nga way maayong leksyon ang nahatag ni Big Utol ngadto sa mga housemates. Kahinumduman nga nadala sa tambalanan si Kuya sa miaging adlaw gumikan kay naglain ang lawas niini.

Ciara mokombate gihapon

Gibutyag ni Ciara Sotto nga human sa iyang kasal ni  Jojo Oconer karong  January 17, iya gihapon ipadayon ang iyang showbiz career.

Claudine sa Ouija 2

Giingong sa sequel sa  pelikulang Ouija ang first project ni Claudine Barretto sa Viva Films ug GMA Films diin iyang makauban ang original nga bida niini nga si Judy Ann Santos.

Higala sa Kanunay

Si Angelica Panga­niban maoy napili nga bridesmaid sa   church wedding sa iyang bestfriend nga si Camille Prats karong Marso.

Beautiful Girls

Gi-shoot na kagahapon ang music video sa Beautiful Girls ni Christian Bautista uban nila ni Anne Curtis, Angel Locsin, Georgina Wilson, ug Solenn Heusaff.

Hugyaw nga gift

Pomeranian puppy ang giregalo ni Kris Lawrence sa iyang ex-girlfriend nga si Katrina Halili kinsa nagsaulog sa  24th birthday niini niadtong Lunes.

Ejay naglikay?

Wa motunga si Ejay Falcon sa presscon sa Tanging Yaman sa miaging adlaw  busa migawas ang mga pagduda nga basin naglikay lang ang aktor sa mga pangutana kabahin sa panagbangi nila karon sa leading lady niya sa Katorse nga si Erich Gonzales.

Dunay third party?

Miulbo ang hungihong nga matud pa dunay third party sa break-up nila ni John Prats ug Shaina Magdayao. Nadamay sa maong isyu ang pangalan ni Denise Laurel busa daghan na ang nag-atang sa habig sa dalaga.

Inahan ni Snooky mipanaw na

Mipanaw na kagahapon ang inahan ni Snooky Serna nga si Mila Ocampo (former actress) tungod sa sakit nga emphysema.

Ram ug Jayda moarangkada na

Sugdan na sa umaabot nga mga adlaw ang taping nila ni Ram Revilla ug Jayda Avanzado (anak nila ni Dingdong Avanzado ug Jessa Zaragoza) alang sa programang Kap’s Amazing Stories. Ang duha maoy mohulip puhon kang Sen. Bong Revilla Jr. gumikan kay ma-busy na kini sa iyang political career.

Big Break for Lemuel

Giangkon sa commercial model nga si Lemuel Pelayo nga dakong kalambuan alang sa iyang career ang pagkalakip sa bag-ong season sa Daisy Siete nga gibidahan nila ni Rochelle Pangilinan ug Mike Tan.

Melissa nanamilit kang Jake

Kumbinsido si Melissa Ricks nga mahupas ra gyud sa di madugay ang intriga nga nag-link tali nila ni Jake Cuenca gumikan kay mo-focus na siya karon sa Tanging Yaman diin iyang ma-partner pagbalik si Matt Evans.

Maxene ug  JC wa nagkasinabot

Giingong not in good terms sila si Maxene Magalona ug JC Tiuseco . Pero matud pa sa ilang mga higala nga ginagmay ra nga butang ang giawayan sa duha busa masulbad ra kini dayon.

Nora malangan ang pagbalik

Giatngan na og maayo sa mga fans ni Nora Aunor ang pagbalik sa ilang idolo dinhi sa Pilipinas . Pero matud pa wa pa’y gikataho nga saktong petsa sa pagbalik ni Nora kay wa pa kini kabalo kung asa siya moistar.

Carla way pili sa role

Way problema alang kang Carla Abellana nga supporting role ra ang iyang naagkon sa fantaseryeng The Last Prince nga gibidahan nila ni Kris Bernal ug Aljur Abrenica.Tsika pa sa aktres nga dili siya mamili og proyekto.

The Mega-Documentary

Malantawan na karong Dominggo ang The Mega-Documentary nga ipagawas sa programang Sharon. Tipik kini sa selebrasyon sa adlaw nga natawhan ni Sharon Cuneta.

Buboy mohatag og bag-ong car sa iyang inahan

Mapaubsanon kanunay ang batang aktor nga si Buboy Villar luyo sa nagbaha nga mga proyekto nga iyang naangkon karon sa GMA-7.

Human nakapalit si Buboy og kaugalingon niya nga sakyanan sa miaging tuig, niining higayona mopalit siya og bag-o aron iyang iregalo sa iyang inahan nga maoy todo nga nag-atiman niya karon.

Kahinumdoman nga siya maoy natuboy nga “Best child actor” sa miaging Metro Manila Film Festival alang sa pelikulang Ang Panday nga gibidahan ni Sen. Bong Revilla Jr.

Gipasalig sa child actor nga dili mausab ang iyang batasan bisan pa man sa mga kalampusan nga iyang naangkon.

Human sa seryeng Darna kung diin gidala ni Buboy ang papel nga Ding, nangandam na usab siya og sugod alang sa Panday Kids .

Sa nahisgutang fantaserye , makauban sa batang aktor sila si Jolina Magdangal, Jackie Rice, Polo Ravales, Lovi Poe, ug JC de Vera.