'Di na mabanggit ang pangalan, Cristine kinalimutan na si Dennis
Mas pelikula pala ng mag-amang Gabby at KC Concepcion kesa pelikula nina KC at Jericho Rosales ang movie project ng Star Cinema to be directed by Maryo J. delos Reyes. Light drama on father-daughter relationship ang tema ng pelikula at hindi love story ng mag-dyowa, pero malaki at importante rin ang magiging role siyempre ni Jericho.
This January na ang simula ng shooting ng third movie ni KC, kaya malapit na itong magka-title. Tuwing magtatanong kasi kami ng title, laging walang maisagot ang tinatanong namin dahil wala pang mapili ang mga nasa likod ng project.
This month din ang release ng second album ni KC under Sony Music at wala pa ring final title ang album at pinipili pa ang mas maganda at mas babagay na title para rito.
* * *
Sinunod ni Cristine Reyes ang text request ni Dennis Trillo na ’wag nang banggitin ang name ng aktor sa mga interview sa kanya. Kaya sa interview sa dalaga sa victory party ng Ang Darling Kong Aswang, bukod sa ayaw na nitong pag-usapan ang ex, ni minsan, hindi nito binanggit ang name ng aktor.
Kundi “niya” ay “siya” ang tawag nito kay Dennis para everybody happy at wala na sa isip at puso niya ang aktor na matutuwa ’pag nalamang kinalimutan na siya ni Cristine.
Tinanong si Cristine kung magtataas siya ng talent fee after niyang mapasama sa Ang Darling Kong Aswang na certified box-office, pero she’s not the right person to answer at itinuro ang manager na si Veronique del Rosario. Ang manager na aniya ang bahala pagdating sa tf niya, pero sa Viva Films ang next movie ni Cristine at may kontrata siya rito. Paano ’yun?
Kasama si Cristine sa remake ng Working Girls, na mga bida rin sina Ruffa Gutierrez, Jennylyn Mercado, Bianca King, at Iza Calzado.
* * *
Non-elimination night last Sunday sa StarStruck V, kaya masaya ang Final 10 survivors na walang naalis sa kanila. Pero nasa danger zone silang lahat at sa ini-reveal na Factor 3 ng contest na magti-take effect next week, bibigyan ng power ang mga survivors na iboto ang kapwa survivor na gusto nilang maalis.
Sa last Sunday’s telecast, ipinakita ng survivors ang individual talents nila. May kumanta, sumayaw, nag-play ng drums, at naggitara, pero sina Diva Montelaba, Enzo Pineda, Ian Batherson, at Rocco Nacino lang ang nakakuha ng mga positive comments from the council, the rest ay may kulang.
Abangan at baka sa Sunday na ang double at posible pang triple elimination, kaya tulungan sana ng kanilang supporters ang favorite survivor nila para manalo.
* * *
Sa Kaya Kong Abutin Ang Langit, galit si Jerome (Victor Aliwalas) nang makitang nag-uusap sina Clarissa (Iza Calzado) at Daryl (Wendell Ramos) at nagsuspetsang mahal pa ng asawa si Daryl. Muli namang dinala ni Monina (Pinky Amador) si Natalie kay Clarissa na nagtapat na may anak siyang babae na nawawala.
Nalaman ni Jerome na binenta na ni Ralph (Ricardo Cepeda) ang shares niya kay Victoria Manalo (Ehra Madrigal), kaya kinompronta niya ito. Nakilala ni Daryl si Victoria at sinimulan nitong akitin ang dalaga. Madidiskubre ni Clarissa na buntis uli siya.
- Latest
