Marvin-Nikki movie
CEBU, Philippines - Suwayan ang chemistry nila ni Marvin Agustin ug Nikki Gil pinaagi sa umaabot nga pelikula sa Unitel nga nag-ulohan og The Red Shoes.
Xian kever sa negative feedback
Gikataw-an ra ni Xian Lim ang taho nga matud pa di kaayo gamit ang iyang role sa Katorse. Matud pa niya nga naanad na siya sa kinabuhi sa showbiz nga puno sa intriga.
Boy gusto mahimong teacher
Bisan sa iyang ka-busy, gipangandoy sa TV host nga si Boy Abunda nga mahimong maestro sa usa ka unibersidad sa kaulohan .
Rica tagaan og proyekto
Gihugon-hugon nga ibutang sa usa ka sitcom ang kanhi Pinoy Big Brother housemate nga si Rica Paras gumikan sa obserbasyon nga duna kini katakos sa pag-arte.Si Rica maoy natagak sa PBB Double Up niadtong Sabado.
Fake nude photos
Gikataw-an lang ni Dingdong Dantes ang mikatap nga hubo niya nga hulagway sa internet.Matud pa sa aktor nga fake ang maong hulagway ug klaro kaayo nga gi-doktor kini sa mga tawong way lingaw.
Enchong nagpakahilom
No comment si Enchong Dee sa panagbangi tali sa co-stars niya sa Katorse nga sila si Erich Gonzales ug Ejay Falcon aron dili modako ang isyu.
Paukay nga mensahe ni Bianca
Naukay ang mga tawo sa gi-post ni Bianca King sa iyang Twitter nga nagkanayon,”“Congrats sa Wapakman for winning…the best in controversy.” Apil ang aktres sa maong pelikula busa daghang miisa nga mga kilay sa iyang mensahe.
Aswang TV sequel
Sa TV 5 himoon ang TV sequel sa kasamtangang pelikula sa Metro Manila Film Festival nga Ang Darling Kong Aswang nga gibidahan nila ni Vic Sotto ug Cristine Reyes.
Bong misaludo kang Ronnie
Dako ang pagdayeg ni Sen. Bong Revilla Jr. ngadto sa iyang higala nga si Optical Media Board (OMB) chairman Ronnie Ricketts tungod kay malampuson ang kampanya niini batok sa mga pirata ilabi na nga wa gyud ma-pirate ang iyang pelikulang Ang Panday.
Dukot ipasalida sa Hongkong
Dunay special screening karong Enero 24 ang pelikulang Dukot sa Wan Chai, Hong Kong diin gikatakdang manambong ang mga bitoon niini nga sila si Allen Dizon, Gina Alajar ug Direk Joel Lamangan.
Rhian hapit ma-inlove ni Dong
Tsika pa sa beteranang kolumnista sa Pang Masa nga hapit diay ma-inlove si Rhian Ramos kang Dingdong Dantes apan wa kini mosaler kay grabe mobantay ang uyab sa aktor nga si Marian Rivera.
Gihikay na
Gisugdan na og hikay ang umaabot nga serye ni Sunshine Dizon sa GMA-7.
Next Bella Flores
Si Katrina Halili maoy gipanglantawan nga sunod nga Bella Flores gumikan kay pang-konrabida ra gyud nga role ang bagay kaniya.
Aljur magbag-o na
New Year’s resolution ni Aljur Abrenica nga dili na ma-late sa iyang mga appointment sa showbiz.
Surprise visit
Gibisita ni Luiz Manzano ang iyang ex-girlfriend nga si Angel Locsin sa dressing room sa The Buzz kagahapon pero giklaro sa aktres nga wa sila nagbalik.
Hayahay nga Regine
Music Room bag-ohay nga giregalo ni Ogie Alcasid ngadto sa iyang girlfriend nga si Regine Velasquez.
Jinkee ngadto kang Krista: Di ko ganahan niya
Gipabuhagay sa asawa ni Manny Pacquiao nga si Jinkee ang iyang kalagot ngadto kang Krista Ranillo sa interview niini sa January 2010 issue sa Star Studio Magazine.
“I hate her. Parang hindi niya inisip na may pamilya ‘yong tao. Bakit hindi siya na lang ‘yong umiwas sa tao o sa camera? Siya pa ‘yong nakalantad ng harap-harapan. Silang dalawa, hindi nila ako nirerespeto. Kung ako matinong babae, hindi ako nakabuntot sa lalaking may asawa,” tipik sa interview ni Jinkee.
Na-link usab kaniadto ang iyang bana ngadto kang Ara Mina ug Valerie Concepcion apan wa ra siya niini sanglit di man visible sa mga interview ang duha ka aktres niadtong higayona.
Apan sa laing artikulo sa Star Studio , mitingog si Krista diin iyang gipadayag nga ang tanang intriga nga iyang nasugatan kay parte lang sa iyang trabaho isip artista.
- Latest
