Naniniwala ka ba sa feng shui?

MANILA, Philippines - Maraming tao ang naniniwala sa Feng Shui na isang kaugaliang Tsino tungkol sa panghuhula ng mga bagay at lugar na buwenas o malas sa ating buhay.

Sa pagsapit ng Bagong Tao ay mga kilala sa Feng Shui ang panauhin sa Life and Style with Gandang Ricky Reyes ngayong lingo nang umaga sa QTV-11. Ang mga ito’y sina Maricel Gaskell at Maricel Allen na magbibigay ng kanilang kuro-kuro para sa Year of the Tiger na ang simula’y Febrero 14, 2010. May mga pangontra pala ang mga taong mamalasin sa 2010. Ito naman ang tatalakayin ni Joy Lim ng Charms and Crystals.

Abangan din ang interbyu ng host-producer ng show na si Mader Ricky sa ilang taga-showbiz. Mayroong bilib dito pero may iba ring dedma lang o hindi sampalataya.