Rhian totoong muntik nang maagaw si Dingdong
Totoo ang sinabi ko kahapon sa Startalk. Muntik nang ma-in love si Rhian Ramos kay Dingdong Dantes habang ginagawa nila ang Stairway To Heaven. Hindi nga lang na-develop ang feelings ni Rhian dahil magaling magbantay si Marian Rivera.
Okey lang sa akin kung idedenay ni Rhian ang aking sapantaha. Basta ‘yon ang napi-feel ko na katotohanan at wala nang iba pa!
* * *
True rin ang sinabi ko na na-mispronounced lang ni Regine Velasquez ang pangalan ni Hayden Kho, Jr. nang mag-join ito noon sa Celebrity Duets.
Imbes na Hi-den, Hey-den ang pronounciation ni Regine sa name ni Hayden kaya mula noon, naging Hey-den na ang tawag sa kanya.
Hayden pronounced as Hi-den ang talagang name ni Hayden ‘noh! Pinanindigan na lang niya ang wrong pronounciation ni Regine dahil bago ‘yon sa kanyang pandinig!
* * *
Lalong magiging maganda ang takbo ng career ni Heart Evangelista sa 2010. Hindi ko na kailangan na maging isang mahusay na manghuhula para hindi ko ma-foresee ang kahihinatnan ng showbiz career ni Heart ngayong 2010.
Nag-win si Heart ng FAMAS Best Actress trophy at siya rin ang nanalo ng MMFF Best Supporting Actress award.
Sapat na ang mga acting award na napanalunan ni Heart para lalo siyang ganahan na magtrabaho at pagbutihin ang kanyang pag-arte. Huwag lang siyang magpapaapekto sa mga paninira ng ibang aktres na naiinggit sa kanya. Alam na alam ni Heart ang name ng aktres na tinutukoy ko!
* * *
Naloka naman ako sa payo ni Butch Francisco kay Katrina Halili na mag-concentrate na lang ito sa mga kontrabida role.
Ang sey ni Butch, nakikita niya na si Katrina ang bagong Bella Flores at kung paninindigan ni Katrina ang pagganap ng contravida roles, nakakatiyak siya sa pagiging kontrabida sa loob ng anim na dekada!
Naloka ako sa narinig ko dahil napakahaba ng anim na dekada. Kung 23 years old ngayon si Katrina, gaganap ito na kontrabida hanggang 83 years old siya? Hindi naman siguro pinangarap ni Katrina na nakikipagtarayan pa rin ito, itsurang uugod-ugod na siya.
Sooo pathetic na ‘yon ‘noh!
* * *
Ipinababati ni Martin Victoria ng belated happy birthday (January 2 ) ang kanyang misis na si Laura Victoria ng San Pedro, Laguna. Favorite tabloid ni Martin ang PSN at ito raw ang kanyang unang binabasa sa paggising niya sa umaga.
Fan naman ni Lorna Tolentino ang reader na si Sanrry Caibigan. Gustong malaman ni Sanrry ang next project ng kanyang idolo.
Magpapahinga muna si LT sa mga teleserye dahil gagawa siya ng pelikula sa Star Cinema. Physically, emotionally at mentally exhausting ang role ni LT sa Dahil May Isang Ikaw kaya magbabakasyon muna siya. Matatapos na ang Dahil May Isang Ikaw sa January 15 kaya hindi dapat bumitaw ang televiewers dahil patindi nang patindi ang mga eksena.
- Latest
