Sweetness sa alkris pang-fans ra!
Nakulbaan na an gang AlKris loveteam ilabi na nga nagkaduol na ang January 11, 2010 nga maoy premiere sa ilang labing unang primetime serye sa GMA-7 diin sila gyud ang bida. Kini mao ang The Last Prince. Pero kung gikulbaan sila si Aljur Abrenica ug Kris Bernal, daghang sakop sa entertainment press ang naghinamhinam na sa mamahimong tubag sa duruha sa intriga nga pang-fans ra ang “sweetness” nila ug dili na tinuod likod sa camera.
Nagkadaiyang mga eksena o kaha mga personalidad sa telebisyon ang di gyud malimtan sa mga viewers gumikan sa kahugyaw sa pagpresenta niini. Pwes, ang Philippine Entertainment Portal (PEP) milingi sa mga panghitabo pinaagi sa ilang gitawag og, “Top 10 TV Moments of 2009.”
1. Tara Macias. Di malimtan sa kadaghanan ang pagminaldita ni Tara Macias ngadto sa kaubanan niya nga castaways nga sila si Charles Fernandez ug Mika Batchelor sa Survivor Philippines: Palau sa GMA-7.
2. Melason. Talk of the town usab ang gugma nga nahulma sa Pinoy Big Brother: Double Up tali sa mga housemates nga sila si Melai Cantiveros ug Jason Francisco. Sila ang labing sikat nga loveteam karon.
3. Justin Ferrer. Kung wala pa lang nagminaldita si Justin Ferrer, siya unta ang migawas nga mananaug sa Survivor Philippines: Palau..
4. Kris Aquino. Daghan ang nakahilak sa speech ni Kris Aquino sa funeral mass sa iyang inahan nga si kanhi Presidente Corazon “Cory” Aquino .
5. Willie Revillame. Naputos sa pagsaway ang TV host nga si Willie Revillame sa dihang gipatangtang niya sa iyang programa ang video clip sa funeral procession ni kanhi Presidente Cory Aquino.
6. Engagement. Buwan sa Abril gipahibawo nila ni Senator Manuel “Mar” Roxas III ug Korina Sanchez sa programang Wowowee nga engaged na sila ug nahitabo gyud ang kasal sa buwan Oktubre.
7. Birit Baby. Emosyonal usab ang Birit Baby winner nga si Jude Matthew Servilla sa dihang gikanta niya ang “Hanggang” sa programang Eat Bulaga.
8. Sampalan. Nagkagubot pud ang mga tsismosa human sa kontrobersyal nga “sampalan scene” nila ni Lorna Tolentino ug Chin Chin Gutierrez sa Dahil May Isang Ikaw kinsa gikatahong milapas sa gipangayo sa script ug natinuod.
9. Tayong Dalawa. Ang katapusang gabii sa seryeng Tayong Dalawa sa ABS-CBN nga gibidahan nila Kim Chiu , Jake Cuenca ug Gerald Anderson maoy gisaw-an og maayo sa mga Pinoy.
10.Bulilit commercial. Dakong break sa telebisyon ang naangkon sa chilld star nga si Cha Cha Cañeta nahugyaw ang publiko sa iyang “Bulilit” Camella Homes commercial . (Sanden J. Anadia)
- Latest
