Maricar Reyes dedma sa tanong ni Kris Aquino

SEEN: Si Snooky Serna sa red carpet premiere ng Sagrada Familia. Double chin na si Snooky dahil tumaba siya ng husto.

SCENE: Ang suggestion kay Ces Oreña na i-feature sa I Survived ang kuwento ni Dr. Hayden Kho, Jr., na dalawang beses nang naka-survive sa kanyang mga suicide attempt.

SEEN: Ang maling introduction ni Karen Davila sa TV Patrol World noong Huwebes. Tungkol sa MMFF Parade ang kanyang intro spiel ngunit mga paboritong pagkain sa noche buena ng mga artista ang ipinalabas na video.

SCENE: Ang same story noong Huwebes ng TV Patrol World at 24 Oras tungkol sa pagiging mabenta ng mga lechon tuwing noche buena.

Parehong may inter­byu ang TV Patrol World at 24 Oras sa mga eks­perto na parehong nagsabi na dapat maghinay-hinay sa pagkain ng lechon, parehong tao rin ang kanilang ininterbyu, si Aling Mila, ang owner ng Mila’s Lechon.

Sino ang nanggaya kanino?

SEEN: Nag-holiday sa Australia sina Ogie Alcasid at Regine Velasquez. Matagal nang plano nina Ogie at Regine na magkaroon ng sariling anak.

SCENE: Ang kuwento na hindi sinagot ni Maricar Reyes ang tanong ni Kris Aquino sa tunay na nangyari sa kanila ni Dr. Hayden Kho, Jr. nang magkita sila sa set ng Kung Tayo’y Magkakalayo.

SEEN: Missing si Domini Primero sa Christmas picture ni Joanne Quintas at ng kanilang tatlong anak. Matagal nang hiwalay sina Joanne at Domini.

SCENE: Tiya ni Kris Bernal ang role ni Angelu de Leon sa The Last Prince, ang bagong primetime show ng GMA 7 na magsisimula sa January 2010.