Echo ug KC ang magpares

Si Jericho Rosales ang leading man ni KC Concepcion sa second movie niini para sa Star Cinema. Gikatahong magsugod ang ilang shooting sa wala pay titulo nga pelikula karong Enero 2010.

Princess Punzalan balik telebisyon

Subling mubalik sa Philippine TV ang beteranang aktres nga si Princess Punzalan. Tsika sa PEP nga apil siya sa cast sa The Last Prince sa GMA-7 nga magsugod karong January 2010.

Isabel Lopez maghubo sa Playboy

Si Maria Isabel Lopez ang cover sa Playboy Magazine-Philippines sa January issue niini. Ang 1981 BB. Pilipinas –Universe hingpit na gyud nga misugot sa maong pictorial for arts sake ug ubos sa kondisyon nga walay frontal nudity. Hagbay ra diay siyang gipangulitawhan sa Germany ug Japan editions sa maong mga magazine, pero iyang gibalibaran niadto pang 1980’s. Nasayran susama og konsepto sa pelikula niyang Kinatay—nga duguon— ang concept sa iyang Playboy issue.

Jinkee giyagyag ang tanan

Kung sa sinugdanan nagpakahilom si Jinkee Pacquiao kabahin sa intriga tali ni Krista Ranillo ug sa iyang bana nga si Manny Pacquiao, karon sa January 2010 issue sa Yes! Magazine mabuak na gyud ang iyang kahilom. Giyagyag matud pa ni Jinkee ang tanan nga iyang nahibaw-an kabahin sa kontrobersiya.

Base sa ngalan sa foreign singers

Base diay sa ngalan sa mga foreign singers ang ngalan sa mga character sa Kung Tayoy Magkakalayo sa ABS-CBN, suma pa ni Kris Aquino. Celine ang ngalan ni Kris sa serye, gikan sa Celine Dion; Baby James mao si Jackson ( Michael Jackson), Albert Martinez mao si Captain Frank ( Frank Sinatra), Stevie si Gabby Concepcion( Stevie Wonder), Gwen si Kim Chiu (Gwen Stefan), Ringo si Coco Martin ( Ringo Starr), Selena si Maricar Reyes gikan sa Mexican singer nga si Selena.

Nag-una si Richard

Si Richard Gomez ang usa sa pipila ka mga artista nga unang mipahasubo ngadto sa mga mahal sa kinabuhi ni Yaya Luring, yaya ni Sharon Cuneta. Ugma puhon ang lubong ni Yaya Luring sa Heritage Park.

Walay laing mipakpak ni Ciara

Gipakpakan matud pa ang mga eksena ni Ciara Sotto sa Mano Po 6 atol sa premiere night. Gipakpakan sa iya ra pud nga mga kauban.

Makapahimulos sa friendship

Fan ni Imelda Papin si Dionisia Pacquiao. Pwes, makatabang sa kandidatura ni Imelda ang “instant closeness” nila sa nanay ni Manny Pacquiao.

Dennis hilaw pa

Tataw nga naglisud pa gyud si Dennis Trillo isip host sa Starstruck. Dili pa kumportable ang aktor ug maklaro kini sa iyang lihok.

Ate Lani

Ate Lani ang gusto ni Lani Mercado nga itawag kaniya sa mga taga Cavite. Mao ni ang makita sa iyang pre-campaign posters.

Identical bracelets

Bayolente ang reaksyon ni Jinkee Pacquiao sa litrato sa giingong identical bracelets nila ni Manny ug Krista Ranillo.

Kimerald movie sa January 2010

Gibutyag na sa Star Cinema ang naglinya nila nga pelikula alang sa tuig 2010.

Opening salvo ang pelikula nga paresan nila ni Gerald Anderson ug Kim Chiu nga gikatakdang ipasalida sa Enero 27 ug duna kini working title nga Paano Na Kaya?.

Human sa Kimerald , sundan dayon kini sa Valentine movie nila ni Jhon Lloyd Cruz ug Bea Alonzo nga nag-ulohan og Miss You Like Crazy diin pipila sa mga eksena niini himoon sa Malaysia.

Aduna pu’y   pelikula diin mag-uban sila si Piolo Pascual ug Zaijian Jaranilla (Santino) nga dunay tema sa mag-amahan ug anak.

Gihugon-hugon nga ang Malaysian actress nga si Carmen Soo maoy mahimong leading lady ni Piolo sa maong proyekto.

Himoon na usab ang pelikula ni KC Concepcion uban sa iyang amahan nga si Gabby Concepcion.

Si Jericho Rosales maoy gikatahong leading man ni KC sa nahisgutang lilas.

Aduna pu’y giandam ang Star Cinema nga usa ka pelikula nga bitounan ni Lorna Tolentino .

Naka-schedule na usab ang shooting sa pelikula nila ni Angel Locsin ug Aga Muhlach nga idirek ni Olive Lamasan.

Tagaan pud og pelikula ang komedyante nga si Vhong Navarro.

Gihikay na usab ang movie nga paresan nila ni Sam Milby ug Anne Curtis.

Nalakip usab sa listahan sa Star Cinema ang pelikula nga bidahan ni Ai-ai de las Alas nga dunay partisipasyon sa PBB Double housemates nga sila si Melissa ug Jason .

Ilusad na usab sa 2010 ang Kapamilya youngstars nga sila si Erich Gonzalez, Enchong Dee, ug Ejay Falcon. (Sanden J. Anadia)