Pinakamamahalna yaya namatay, guestings ni Mega kanselado
Kanselado ang guesting ni Sharon Cuneta sa SOP at The Buzz kahapon dahil sa pagpanaw ni Yaya Luring, ang trusted yaya niya for 40 years at nagsimula noong 12 years old pa lang siya. Habang tina-type namin ang kolum na ito, hindi tiyak kung makakapunta si Sharon sa premiere night ng Mano Po 6 kagabi.
Sa text message ni Sharon para ipaalam ang pagyao ni Yaya Luring, heto ang kanyang sinabi : “My beloved Yaya Luring left me last night (December 19, 9:36 p.m.) after 40 years, at 83 years old. She will be at Sanctuario Mckinley Road, Forbes Park starting tonight (kagabi). She will be buried on the 23rd.”
Hindi binanggit ni Sharon kung saan ililibing si Yaya Luring na ang balita namin, sa Heritage Park sa Taguig ang libing ng pinakamamahal na yaya ni Sharon.
* * *
Pumayag mag-cameo sa isang malaking pelikula ang actor na ito dahil kaibigan ang bidang babae at ang producer. Ang hiningi lang nito at ng kanyang manager ay alagaan ang kanyang billing sa pelikula, lagyan ng “special participation” at naka-box ang kanyang name.
Laking gulat ng actor nang mabalitaang hindi nasunod ang request nila ng kanyang manager dahil walang nakalagay na special participation before his name, hindi pa naka-box ang pangalan. But in fairness, una ang name niya, malaki ang percentage ng letters at nasa first line ng ibang kasama sa pelikula.
Hindi pa rin nakikita ng manager ang billing ng actor sa movie kaya wala pang naririnig na reklamo mula rito. “Magre-react ‘yun ‘pag nalamang hindi nasunod ang request namin sa billing ko,” mahinahong sabi ng actor.
* * *
First taping day this Monday ni Regine Velasquez sa Darna at gagawin ang taping niya sa San Jose Del Monte, Bulacan. Maganda ito’t unang pagkikita rin yata nina Regine at Marian Rivera at maganda kung may fight scene agad sila.
Walang kaarte-arteng tinanggap ni Regine ang role ni Electra, Queen on the Planet Women kahit kontrabida siya ni Darna. Nagbiro nga itong siya ang finally, makakatalo kay Darna at buong ningning namang tinanggap ni Marian ang kanyang hamon.
Last week sa SOP, lumabas si Regine with her Electra costume na ibinagay sa status niya. Walang flesh si Songbird na ma-i-expose sa kanyang costume, pero paano kaya kung iha-harness na siya, eh, parang bestida ang costume niya?
Anyway, busy ang 2010 ni Regine dahil by January, sisimulan na niya ang taping ng Diva na balik-tambalan nila ni Mark Anthony Fernandez at makakasama nila si Glaiza de Castro. Showing din ang movie nila ni Aga Muhlach na Of All The Things.
* * *
Pumayag magpa-interview si Liezl Muhlach-Martinez kay Kris Aquino at first time magsasalita ang wife ni Albert Martinez sa pinagdaanang sakit. Mapapanood sa SNN mamaya ang interview kay Liezl na kay Kris lang nagtiwalang magsalita at magkuwento.
Maganda ang friendship nina Liezl at Albert kay Kris at touched ang actor sa ipinangako ni Kris kay Liezl na gagawa lang uli siya ng teleserye kung si Albert ang kapareha na nangyari nga dahil sila ang lalabas na mag-asawa sa soap na Kung Tayo’y Magkakalayo.
- Latest
