MBP marso na pud

CEBU, Philippines - Sukwahi sa gikabalita nga sa Pebrero na lang kutob ang May Bukas Pa, extended na pud ang nahisgutang teleserye sa ABS-CBN. Hangtud sa March 2010 pa makita sa telebisyon si Santino.

Teen Edition Auditions

Human sa PBB musunod dayon ang auditions para sa Teen Edition ug sa “Biggest Loser,” bag-o na pud nga reality show sa ABS-CBN. February 14, 2010 mahuman ang Double Up.

Up Dharma pang-asya na

Imbitado ang bandang Up Dharma Down aron mo-perform sa HP Space, usa ka reality show nga masalida sa nagkadaiyang Asian countries sama sa India, Malaysia, Hong Kong ug China.

Dili tingog ni Mark

Dili tingog ni Mark Anthony Fernandez ang gigamit sa Shake, Rattle & Roll Xl. Dili pud siya aktibo sa promo sa mao nilang pelikula.

Maja dili cooperative

Nindot ang role ni Maja Salvador sa Shake, Rattle & Roll XI pero dili siya cooperative. Wala si Maja sa presscon ug premiere night sa maong movie.

2010 ni Marian insured na

Mabulukon ang umaabot nga tuig alang kang Marian Rivera. Nag-renew siya og kontrata sa tanan niyang endorsements.

Glaiza apil sa diva

Apil si Glaiza de Castro sa umaabot nga teleserye ni Regine Velasquez ug Mark Antony Fernandez. Kini maoy follow-up project ni Glaiza human siya gidayeg og maayo sa Stairway To Heaven.

Hottest Guys of 2009: Enchong, Xian and Ejay!

Sa labing unang higayon, dili lang usa, dili lang duha, kundili tulo ka mga lalaki ang makita sa cover sa Chalk Magazine. Sila walay lain kundili ang mga bituon sa sikat nga teleseryeng Katorse—Enchong Dee, Ejay Falcon, ug Xian Lim. Sila ang giisip sa magazine nga “hottest guys of 2009.”

Sa interview para sa maong magazine nahisgutan unsay ilang bation sa higayon nga dunay mutawag nila nga “ hot.”

“May mga nagsabi [na sexy ako]. But I don’t think about it. Iniiwasan ko rin maging mayabang. Sasabihin ko lang, ‘Thank you,’” nagkanayon si Ejay.

Gidugang pud niya nga ganahan siya magkat-on og luto aron dili siya magsalig sa iyang asawa. “Gusto ko may alam ako sa buhay ko.”

Maghisgot og kaon, giangkon ni Enchong nga nanambok siya karong panahona tungod kay nagpatuyang siya og kaon sa daghang birthday parties nga iyang natambungan Pero mapa-sigarbuhon siya sa iyang dughan kay niya pa bisan unsay mahitabo, sexy gyud kini nga tan-awon.

“Kahit tumataba na ako, siya na lang ang natitirang presentable,” pasabot pa niya.

Samtang si Xian kinsa didto sa US nagdako, dili pa kumbinsido nga “hot” siya.

 “I have low self-esteem. People have told me to ‘know my status’ but I don’t get that.”

Giangkon pod niya nga insecure siya gumikan sa iyang buhok.

“When my hair is long, I don’t know what to do with it. Kaya ko ginugupitan dahil ‘di ko alam kung ano gagawin ko! Before, kalbo ako, just get up and go. It was easy,” nagkanayon siya ngadto sa ABS-CBN.com.

Sunod tuig, makauban nila ni Enchong ug Ejay ang ilang leading lady sa Katorse nga si Erich Gonzales alang sa ilang follow-up project, ang Tanging Yaman. Samtang si Xian, maoy mapares ni Megan Young sa Rubi.

Bolivia ang naghari

Ang garbo  sa Bolivia nga si  Joan Bruno Kettels Torrico maoy milangkat sa titulong  Mr. International 2009 nga gipahigayon di pa lang dugay sa Taichung , Taiwan .

Good girl Cristine!

Si Cristine Reyes maoy mogasto sa hugyaw nga Christmas party nga iyang ihalad ngadto sa iyang pamilya sa usa ka hotel sa Makati atol sa adlaw sa Pasko.

Back to back concert

Karong Enero  mahitabo ang back to back concert nila ni Imelda Papin ug Mommy Dionisia Pacquiao.

Australia ang target

Espesyal ang Pasko karong tuiga nila ni Regine Velasquez ug Ogie Alcasid  gumikan kay sa Australia nila kini saulogon.

Lig-on gihapon

Nagmaya ang mga staff sa ASAP ’09  sa ABS-CBN gumikan kay wa gyud sila malumpag bisan nag-reformat na ang kaatbang nila  nga SOP sa GMA-7.

Nagselos si Jc

Giingong nagselos si JC de Vera sa isyu   nga naglambigit kang Akihiro Sato ug Rhian Ramos.

Di na pud moangkon

Gihimakak ni Rhian Ramos ang balita nga matud nagsawo sila og pagkaon ni Akihiro Sato sa party nga gipasiugdahan sa usa ka staff sa GMA.

Drama sa Guadalupe

Mabulukon ang nagpadayong live drama presentation sa Our Lady of Guadalupe Parish matag- kadlawon sa dili pa sugdan ang Misa de Gallo.

Matag- adlaw , lain-lain   nga istorya ang masaksihan sa mga parokyano sa Guadalupe diin napuno kini og bulawanong mga pagtulun-an.Gisugdan na kini sa pagbukas sa Misa de gallo niadtong Disyembre 16, ug magpadayon hangtud karong Disyembre 24.

Ang mga magdudula sa inadlaw’ng drama puros mga sakop sa Parish Youth Coordinating Council (PYCC- Guadalupe) ug ubos kini sa direksiyon sa banggiitang personalidad sa dySS Super Radyo ug GMA-7 – TV Cebu nga si Aljin Abaquita.

“ Gituyo ni siya aron mapaabot ngadto sa mga tawo ang maayong mga pagtulun-an nga gamit kaayo sa tagsa-tagsa nato ka mga kaugalingon,” nagkanayon si Abaquita.

Sa di pa sugdan ang drama ug misa, buksan kini pinaagi sa Novena nga sundan usab sa bible discussion ni Talisay City Mayor Socrates Fernandez ug ang makatandog nga awit ni Cerge Michael.

Ang nahisgutang mga kalihukan tipik sa kasaulogan sa Pasko , ang panahon sa paghandom sa pagkatawo ni Hesus.

Yaya Luring mipanaw na

“My beloved Yaya Luring left me last night after 40 years,” text ni Megastar Sharon Cuneta ngadfto sa PEP kagahapon. Si Yaya Luring ang labing sikat nga yaya sa tibuok Pilipinas tungod kay kung hain si Sharon tua pod siya. Siya maoy nag-atiman ni Sharon sukad niadtong singko anyos pa lang ang megastar. Gi-cardiac arrest matud pa si Yaya Luring o Loreta Benitez sa tinuod nga kinabuhi. Dunay duha ka mga anak ang 83 anyos nga si Benitez,kinsa lumad nga taga Pangasinan.

Tomcess kabuakon na

Nausab na ang sitwasyon nila ni Tom Rodriguez (kanhi Tom Mott) ug Princess Monzon, karon nga wala na sila sa Bahay ni Kuya. Kung sila maoy love team sa sulod sa balay, karon murag dili na kini mamunga og tam-is nga relasyon. “Mahirap kasi I’m not sure how long I’ll stay here,” nagkanayon si Princess, sanglit niya pa plano gyud niya nga manimpad abroad.“Same with him (Tom) meron na siyang offers. He’s going to stay here and be busy and he’s going to be paired with other actresses kasi hindi naman kami lumabas na love team talaga. We’re a love team inside the house but when he got out [it’s different] ‘di ba?”

Just Friends

Not dating. Kini maoy pagtin-aw pud ni Tom Rodriguez kabahin sa relasyon nila ni Princess Monzon. “We’re great. We’re good friends. We’re getting to spend a lot of time together. There’s no label, no preconceived notions, we’re just enjoying lang talaga. I know it sounds showbiz pero yun ang totoo. We’re really enjoying each other’s company. There’s nothing wrong with that,” nagkanayon si Tom ngadto sa ABS-CBN.com