Aktres 'pinaboran' ang pamangkin
May mga bagong endorsements si Kris Aquino, pero gaya nang ipinangako, kukuha lang siya nang pambayad sa tax at lahat ng talent fee ay mapupunta sa campaign fund ng kapatid na si Sen. Noynoy Aquino.
Ang Boardwalk at Union Appliances ang dalawa sa bagong endorsements ni Kris at nauna na siyang mag-pictorial para sa Union at sa Friday naman ang scheduled pictorial niya for Boardwalk. Hindi namin alam kung may pinalitang endorser ng Boardwalk ang TV host-actress o idinagdag siya.
* * *
Pinakamasamang role na ginampanan na sa TV ni Bobby Andrews ang kanyang ginagampanan sa Sinenovela na Kaya Kong Abutin Ang Langit, but he is enjoying being bad. Mas colorful at mas napaglalaruan nga naman ang contravida role kesa god guy role.
Marami pang kasamaang gagawin si Bobby sa mga susunod na episodes, wait na lang tayo. Wala rin siyang peg sa karakter niyang si Nick, sinusunod lang niya ang nasa script at ang sinasabi ni direk Topel Lee.
* * *
Pina-praktis ng aktres na ito ang kasabihang “blood is thicker than water” dahil sa isang showbiz event kung saan present ang maraming fans, nagkaroon ng games. Natoka sa aktres ang pagtatanong kung ano ang role niya sa nilalabasang soap.
Marami ang nagtaas ng kamay at gustong sagutin ang kanyang itinanong. Pero nag-effort pa ang aktres na lapitan ang isang grupo at dun pumili ng sasagot sa kanyang tsanong. Tama ang sagot nang napili niyang contestant, pero nalaman ng press na kaya walang kahirap-hirap na nasagot ang tanong ng aktres at talagang masasagot kahit hindi manood ng soap ay dahil pamangkin niya ang contestant.
Mabuti na lang at hindi alam ng mga katabi ng contestant na kamag-anak siya ng aktres kaya walang nagreklamo na ito ang tumanggap ng prize.
* * *
Sa Darna, nagsimula nang mahiwagaan si Francesca (Rufa Mae Quinto) kay Vladimir (Akihiro Sato). Dahil naman sa balat ni Ding (Buboy Villar), matutukoy ni Dra. Debora (Rochelle Pangilinan) na ito ang kanyang anak.
Papayuhan ni Narda si Ding na umiwas sa doktora dahil malakas ang hinala niya na ang doktora ang hinahanap nilang manananggal.
- Latest
