Detalye sikreto pa... Doc Hayden nagpapagaling sa ospital
Na-touch ako sa gesture ni Paolo Bediones noong Sabado.
Imagine, nagsadya pa siya sa studio ng Startalk para personal na magpaalam sa amin nina Ricky Lo, Butch Francisco, at Joey de Leon?
Na-prove ko talaga na disente at edukadong tao si Paolo.
Nag-goodbye si Paolo sa amin dahil lumipat na nga siya sa TV5.
Kung ibang artista o TV personality ’yon, dedma na sila. Hindi na nila maiisip na magpaalam ng personal dahil may iba na silang mundo at source of income.
Nag-wish ako ng good luck kay Paolo kesehodang Ka-Shake na siya at wiz na Kapuso.
* * *
Luhaan ang mga reporters na nagpunta kahapon sa NAIA Terminal 2 at nagbakasakali na makukunan nila ang pagdating ni Krista Ranillo.
Walang Krista na umapir at mabilis na kumalat ang balita na may sumundo sa kanya sa loob ng eroplano para hindi na siya dumaan sa immigration at ma-sight ng media.
May tsismis na si Retired Gen. Angel Atutubo ang nag-escort kay Krista.
Kung true ang tsismis, sino ang nag-request kay Papa Angel na bigyan ng special treatment si Krista? Naging ka-level si Krista ng mga diplomat at VIP!
Bakit kailangan na padaanin siya sa ibang gate? Bakit siya umiiwas sa press?
Ayaw ni Luli Arroyo ng ganyan. Naturingan si Luli na presidential daughter pero hindi siya nagde-demand ng VIP treatment sa kanyang bawat biyahe sa ibang bansa.
Pumipila siya sa immigration tulad ng mga ordinaryong pasahero.
* * *
Hindi ako sure kung aaminin o ide-deny ni Papa Angel ang tsismis na siya ang nag-escort kay Krista.
Malalaman natin ang the truth and nothing but kapag may naglabas ng footage ng CCTV sa Centennial Airport.
Nangyari na ito noon kay Jun Lozada. Nahirapan si Atutubo na mag-deny dahil kitang-kita sa CCTV footage ang pag-escort niya kay Lozada.
* * *
Nagpapagaling na si Dr. Hayden Kho, Jr. sa Manila Doctor’s Hospital.
Stictly no visitors allowed sa kanyang kuwarto pero may nakakita sa TV reporter na si Ginger Cornejero nang magpunta ito sa ospital.
Nakikiusap ang pamilya ni Hayden na bigyan siya ng privacy.
Alam ko na ang kumpletong detalye ng nangyari kay Hayden pero mahigpit ang pakiusap ng aking source na huwag isulat. Okay...
- Latest
