Cancer patients bida sa Runnerspeak

MANILA, Philippines - Isang run-for-a-cause ang sinamahan ng hosts na sina Joanne Ignacio at Manny Paksiw sa Runnerspeak. At ngayong Linggo, Dec. 6, sa QTV 11 (2:45-3:15 PM), ipapakita nila ang highlights nito, pati na ang tamang gear at pagkain para sa mga runners at running enthusiasts!

Cancer patients ang sinuportahan ng run-for-a-cause na New Balance Power Run. Kaya hindi naman nakapagtatakang mahigit sa 7,000 runners ang sumali nang ganapin ito sa Fort Bonifacio Open Grounds!

Sa segment na Hit the Road, dadalhin ng Runnerspeak ang mga viewers sa highest peak ng South East Asia – ang Mt. Kinabalu sa Kota Kinabalu, Sabah, Malaysia. Siguradong kakaibang experience ang mararamdaman ng mga runners sa mahigit 14,000 feet na taas nito.

Samantala, pupuntahan din ng programa ang healthy restaurant na papatok sa mga runners – ang Paul Calvin’s Deli, pati na ang pinaka-hip na shoe store ngayon – ang Res-Toe-Run.

At sa Head Shots, bida ang fashionista runner na si Tessa Prieto-Valdes dahil ipapakita niya ang glamorous side ng pagtakbo.