Claudine sa Jewel in the Palace

CEBU, Philippines - Naghudyaka ang mga fans ni Claudine Barreto karon tungod sa balita nga ang Pinoy version matud pa sa sikat nga Koreanovela nga Jewel in the Palace ang usa sa mga proyekto niini sa GMA-7 sa tuig 2010. Pero komentaryo sa usa ka himantayon, hangtud wala pa magsugod ang taping ni Claudine niining maong proyekto dili pa angay magmaya ang mga fans.

Jolina sa TV5 mulayat

Tsika sa usa ka hugyawnatic nga tinuod nga mobiya si Jolina Magdangal sa GMA-7 karong 2010. Pero dili siya mobalik sa ABS-CBN, kundili siya maoy bag-ong recruit sa hingpit na pagpakigtigi sa TV5 dili lang sa telebisyon kundili hasta na sa pelikula

Felix Roco mubalik sa ABS-CBN

Sa tuig 2010 mapupos ang kontrata ni Felix Roco sa GMA-7 . Plano niya karon pa lang nga mangita og maayong talent manager nga maoy makigkumbati alang niya aron makuha niya ang iyang gusto nga mga proyekto nga wala niya matagamtaman sa nahisgutang network karon. Hayan mubalik siya sa ABS-CBN sunod tuig

Melissa Ricks milayas?

Upat ka adlaw na nga wala matud pa mipauli si Melissa Ricks sa ilang panimay. Milayas matud pa ang dalaga. Pwes, hasta si Senator Bong Revilla gipangutana na kung wala ba kini tagoi sa iyang anak nga si Jolo. Suma pa niya, kung ugaling milayas si Melissa dili si Jolo maoy nagtago niini tungod kay nakakat-on matud pa og leksyon ang iyang anak.

Angel may International Offers

May mga international producers gyud diay nga mitanyag ni Angel Locsin og projects sa iyang pagtambong sa International Emmy Awards sa New York niining bag-o lang. Pero matud ni Angel dili siya magdahom kay kung para iya gyud ang maong proyekto, mahitabo gyud.

Wanted: Krista-Mocha “sex video”

Dako pa gyung pangutana kung duna ba gyuy Krista Ranillo-Mocha Unson “sex video.” Ang bag-ong tsika mao nga human matud pa sa hawkanay nila ni Krista ug Mocha, duna pay “intimate moments” nga nahitabo tali sa duha suma pa sa mga reporters nga nakakita.

Shivaker ug Karylle uyab na diay?

Pahiyom ra ang tubag ni Sam G a.k.a Shivaker sa pangutana nga miangkon na ang manager ni Karylle nga pipila ka buwan na sila nga manag-uyab. Wala hinuon niya gihimakak nga nag-date sila ni Karylle, pero karon nga busy sila—siya sa Eat Bulaga ug Cool Center ug si Karylle sa iyang album ug Dahil May Isang Ikaw—wala na sila magkauban pa og kutob na lang sa text ang ilang komunikasyon.

Krista mitalaw sa press?

Nakanselar kagahapon ang usa unta ka exclusive press conference nga gipatawag sa talent manager nga si Arnold Vegafria alang sa iyang alaga nga si Krista Ranillo ug sa amahan niini nga si Matt.Sa pagsulat niining balitaa, wa pa hibaw-i ang hinungdan sa pagkanselar sa presscon

JC nahugyaw ni Christopher

Giangkon ni JC Tiuseco nga puwerti niyang kuroga sa dihang iyang ka-eksena ang Drama King nga si Christopher de Leon sa Christmas Serye sa GMA-7 nga Sana Ngayong Pasko. Aminado si JC nga nakulbaan siya sa ilang eksena gumikan kay usa ka bigating aktor si Christopher.

Imelda gikagubtan sa COMELEC

Nagubot og maayo ang mga empleyado sa Commision on Elections sa kaulohan gumikan kay nag-ilogay sila sa pagpa-picture kang  Imelda Papin kinsa bag-ohay pa lang misang-at sa iyang COC alang sa pagka-senador sa 2010 election.     

Luis ug Carmen sa MMK

Kasamtangan nga nagtaping si   Luis Manzano alang sa usa ka special episode sa “Maalaala Mo Kaya” diin iyang mapares ang Malaysian actress nga si Carmen Soo. Gipares ang duha tungod kay nakita sa Dos ang ilang maayong chemistry .

Jolo naanad na sa politika

Andam na si Jolo Revilla sa mga posibilidad nga sugaton og mga pagsaway ang ilang pamilya. Matud pa nga normal lang kini sa politika ilabi na nga subling magpapili pagka-senador ang iyang amahan nga si Bong samtang ang iyang mommy Lanie Mercado   modagan usab pagka-kongresista sa Cavite.

Rhap nangandoy og sakyanan

Christmas wish sa 12 anyos nga si Rhap Salazar ang makapalit og Van. Tsika pa sa batang singer nga wa siya nakapalit og sakyanan sa iyang nadag-an nga P1M sa Little Big Star niadtong 2005 kay iya kining nagasto sa dihang namalhin ang iyang pamilya sa Mindoro. 

Poker Face nominado sa Grammy

Nagmaya ang mga fans ni Lady Gaga gumikan kay nominado ang kanta sa ilang idolo nga “Poker Face” alang sa Song Of The Year category sa umaabot nga Grammy Awards nga ipahigayon sunod buwan sa Staples Center, Los Angeles .

Hush Hush ka lang

Tsika pa sa grupong Pussycat Dolls nga daghan kaayo ang mo-request sa awit nila nga Hush Hush sa nagkadaiya nila nga mga concert sa bisan asang dapit sa kalibutan. Ang maong awit dunay remix version sa I will Survive hinungdan nga nataypan kini sa mga tawo.

Hugyaw ka Susan Boyle!

Si Susan Boyle maoy gikosiderar karon nga pina-kaunang female singer nga nakahalin og daghang kopya sa iyang   album atol sa unang adlaw nga pag-release niini. Kasamtangang nahalinan na ngadto sa 701,000 copies ang debut album ni Susan nga “I Dreamed a Dream”.