'Di kasi makaarte, Nadine bagong 'tinik' sa mga kasama
Nadine Samonte replacing Sunshine Dizon in Tinik sa Dibdib: bane or boon?
Kung work attitude noon ang inirereklamo ng production staff kay Sunshine who was literally their “tinik sa dibdib,” ibang klaseng tinik naman ang bumabara sa “air duct” ngayon na si Nadine na pumalit. Diumano, ang kahinaan sa pag-arte ni Nadine, na malayung-malayo kay Sunshine, ang ipinagsisintir ng staff.
Pero kung meron mang magandang dulot ang pag-take over ni Nadine sa iniwang papel ng kanyang predecessor, iyon ay ang mas mataas na ratings nito.
Well, you win some, you lose some.
* * *
May barely two months pa si Claudine Barretto to get her shape back bago magsimula sa kanyang bagong proyekto sa GMA 7. Hindi kasi naging maganda ang mga karaniwang feedback when photographed during her contract-signing last week.
Bluntly, dahil sa pagiging malusog ni Claudine ay mahihiya ang ibang artistang gumaganap bilang ina, baka mawalan pa sila ng trabaho! And because Claudine has a newfound home, kung saan nasa Siyete rin ang ex-boyfriend niyang si Mark Anthony Fernandez, hindi imposibleng magkasama sila.
But sorry to disappoint the still-existing Mark-Claudine fans, hindi na sila bagay gumanap bilang couple because of the actress’s motherly looks, ’no!
* * *
Una’t huling pagpapaunlak ng interview na ni Joanne Quintas ang napanood n’yo sa Startalk nitong Sabado. May kinalaman ’yon sa umano’y affair sa pagitan nila ni Joey Marquez, pruwebang maituturing ang larawang kuha sa kanila na nagho-holding hands at a mall.
Unang depensa ni Joanne, bakit naman daw sa Gateway mall siya ide-date ni Joey? Eh, bakit naman hindi?
Ikalawa, kinomisyon lang naman daw siya ni Joey na gawin ang campaign photos nito tulad din daw ng ibang celebrities na kliyente rin niya.
Pero inamin ni Joanne na siya nga ang kasama ni Joey ng gabing ’yon, bagay na itinanggi naman ng aktor. So, who’s telling the truth?
Samantala, lahat na yata ng maaaring pagkakitaan ay pinasok na ni Joanne: From graphic artist to hairdresser. Katuwiran niya, tatlo ang kanyang anak (by her estranged husband Domini Primero), bukod pa rito’y magpa-Pasko pa.
Nanawagan din siya sa GMA 7 na isali siya sa soap. Dahil nga sa iba’t ibang larangang pinasok niya to make both ends meet, paano pa niya maisisingit ang lovelife?
Baka naman baligtad? Paano pa niya maisisingit ang rumaket kung bongga ang lovelife niya?
- Latest
