Rhian walang panahon sa lalaki

Medyo pumayat si Richard Gutier­rez. Nagbo-boxing daw siya at talagang nag-cut down siya lalo’t hindi naman action ang ginagawa niyang Full House na paki­ramdam ng aktor ay mas magaan sa mga naunang projects niya. “Ang sarap ng feeling na ginawa ko ito (FH). For the first time, normal ako.

“Nakakapanibago, naghahanap ako ng action scenes sa taping. Yung may harness. Kasi dito sa loob lang kami ng ba­hay nakaupo,” nangingiting kuwento ni Richard.

Sa trailer pa lang ng Full House, ang ganda na kung saan kinunan ang highlights ng mga eksena sa Prague, Czech Republic.

Nag-walong araw doon si Richard kaya napasyalan niya lahat ng magagandang lugar sa nasabing bansa.

Ang Prague ang isa sa most popular tourist destinations sa Europe.

“Ang ganda ng visuals. Kami ang first time na nag-taping doon,” pagkukuwento ng aktor. Mabilis din daw ang naging trabaho nila kaya bumilib sa kanila ang mga nakatrabaho nila roon.

At hindi raw doon masyadong expensive, pagkukuwento ni Richard the other night sa launching ng Full House.

Dahil once a week lang ang original na Full House sa Korea, dinagdagan nila ng ibang elements ang nasabing Koreanovela para mai-adopt na rin sa Pinoy market.

“Ginawa naming mas malaki ang mga eksena,” paniniguro niya.

Anyway, confirmed na pasok sa Berlin Film Festival ang pelikula nilang Patient X.

Nakakuha na rin daw sila ng magma-market sa Amerika ng pelikula na hindi lang siya artista kundi producer din.

May pelikula rin siyang gagawin for Valentine pero surprise pa ang makakasama niya. Ayaw niya pang sabihin.

Ang hula nila, si Angel Locsin. Pero hindi napilit si Richard na magsalita.

Plano niya uling makisosyo sa pelikula.

* * *

Wala muna sa plano ni Rhian Ramos ang magka-boyfriend. Kuntento na siyang mag-isa. Matagal na raw siyang single at enjoy siya na wala munang lalaki sa kanyang buhay.

Si Rhian ang karagdagang endorser ng Belo Medical Group. Kung nakikita ninyong hair free ang kanyang skin, ‘yan ay dahil Laser Hair Removal ang natoka niyang i-endorse.

Say ni Rhian mas magaan daw pala pag wala kang balahibo sa katawan.

Bumubulusok ang career ni Rhian ngayon. Mataas ang rating ng kanilang Stairway to Heaven at kabi-kabila ang kanyang endorsements.

 Wala palang naniniwala sa denial ni Manny Pacquiao na magkaibigan lang sila ni Krista Ranillo. Hindi kumbinsido ang marami.

“Sinungaling,” sigaw ng isang nirerespetong kolumnista sa showbiz.

Imagine, nagawa raw nitong mag-deny matapos mag-no comment sa issue.

“Saka hindi lang dito sa Pilipinas kalat na kalat ang kuwento sa kanila. Sa Las Vegas alam ng lahat ng tao ang nangyayari sa kanila, tapos bigla-bigla siyang magdi-deny. Sana hindi na lang siya nagsalita,” sabi ng isa pang nag-comment.

Kung sabagay walang ibang choice si Pacman kundi i-deny ang nasabing kuwento.

Malala na ang issue at marami nang nadadawit kaya kailangan niyang gawin yun.

Alam na alam sa showbiz ang umano’y malaking tulong ni Manny sa pamilya ni Krista.

May halaga ng pera na ibinigay ang isa kong ka-tsika pero, hanggang doon na lang ang kuwento dahil sinabi na ng pambansang kamao na friends lang sila.