Benjie Paras at Onyok Velasco bagong 'Hawi Boys' ni Pacman; Rufa Mae damay sa tsugihan sa SOP

Seen : Inilabas ng PEP ang holding-hands picture nina Joey Marquez at Joanne Quintas na kuha sa Gateway Mall. Nag-deny sina Joey at Joanne. Buking na, nag-deny pa.

Scene : Si Joel Cruz ang grand champion ng Celebrity Duets Season 3.

Seen : Sina Benjie Paras at Onyok Velasco ang mga bagong Hawi Boys ni Manny Pacquiao. Nakasunod sina Benjie at Onyok kay Manny kahit saan ito magpunta.

Scene : Si Amanda Colley Van Cooll ang tinanghal na Pinoy Sole Survivor ng Survivor Philippines Palau.

Seen : Bukod-tanging si Chris Tiu ang GMA 7 contract star na pinayagan na mag-interbyu kay former US First Lady Hillary Clinton. Personal na pinili si Chris ni US Ambassador Kristie Kenney.

Scene : Marami ang ginulat ni Edu Manzano sa kanyang pasya na kumandidatong Vice President ni Defense Secretary Gilbert Teodoro.

Seen : Bumalik na si Gary Valenciano sa Pilipinas. Matagal na nawala si Gary dahil sa US tour nila ni Martin Nievera na nagpaiwan sa Amerika dahil manonood siya ng laban nina Manny Pacquiao at Miguel Cotto.

Scene : Sina Jolina Magdangal at Rufa Mae Quinto ang ilan sa mga regular co-host na mawawala sa SOP.