Bawal manood ng laban ni Pacman: Krista binantaan ni Jinkee

Si Vilma Santos ang napabalita na nililigawan na maging vice president ng partido ni Secretary Gibo Teodoro pero ang ending, ang kanyang ex-husband na si Edu Manzano ang running-mate ng manok ni President Gloria Macapagal-Arroyo.

Asahan natin na marami pang sorpresa ang mangyayari habang papalapit ang eleksiyon at mga artista na biglang papasok sa pulitika.

Umingay na ang kandidatura ni Papa Gibo dahil sa pagpayag ni Edu na maging running-mate niya. Ibang klase talaga ang ingay kapag pinaghalo ang showbiz at pulitika.

Paghaharap nina Jinkee at Krista inaabangan din

Ngayong umaga na ang laban nina Manny Pacquiao at Miguel Cotto sa MGM Garden Arena sa Las Vegas. Ipagdasal natin na mag-win si Manny dahil ang tagumpay niya ay karangalan ng ating bansa.

International celebrity na talaga si Manny. Kita n’yo naman, kilalang-kilala siya ni US State Secretary Hillary Clinton. Siya ang choice ni Mama Hillary na mananalo sa laban nila ni Cotto.

Dalawang paghaharap ang inaabangan ng mga Pinoy na lumipad sa Las Vegas para manood, ang pag­haharap nina Pacquiao at Cotto at ang pag­haharap nina Jinkee Pacquiao at Krista Ranillo.

How true na nagsalita raw si Jinkee na huwag na huwag niyang makita si Krista sa laban ng kan­yang dyowa or else, ang laban nila ni Krista ang mau­unang mangyayari.

Kung totoo na nagsalita nang ganoon si Jinkee, lalo akong bumilib sa kanya dahil kasing-tapang din siya ng mister niya!

Ma-knock out kaya ni Manny si Cotto? Ma-knock out kaya ni Jinkee si Krista? Abangan natin ang mga nakaka-excite na eksena.

Maraming reporter ang nakabantay sa Las Vegas kaya sure na sure na may mga update sila sa mga nakakalokang eksena doon.

Justine Type Makilala Ni Bb

Hindi type ng mga baklita ang nag-win sa Survivor Philippines Palau dahil para sa kanila ang transsexual na si Justine Ferrer ang karapat-dapat na winner.

Ang feeling nila, biktima ng discrimination si Justine dahil baklita siya pero sa totoo lang, babaeng-babae ang tingin ko sa kanya. Kung hindi nga inamin ni Justine na dati siyang mhin, walang mag-aakala na operada siya. In fairness, mas maganda at seksi siya kesa sa mga totoong babae na kasali sa Survivor Philippines: Palau.

Narinig ko ang tsismis na type ni BB Gandanghari na ma-meet nang personal si Justine. Type kaya ni BB na humingi ng pointers kay Justine tungkol sa sex-change operation? Nag-dialogue noon si BB na never niyang ipapaopera ang kanyang pototoy pero subject to change ang isip ng bawat tao. Malay natin, baka nagbago na ng isip si BB.

Robin hinihintay magsalita

Ma at pa ang sagot ko sa mga nagtatanong sa mhin na pinakasalan ni Leizl Sicangco, ang ex-wife ni Robin Padilla.

Hintayin na lang natin ang pagsasalita ni Leizl o ni Robin dahil sila ang makakasagot sa mga gustong makaalam ng tunay na dahilan ng kanilang paghihiwalay.

Open book ang buhay ni Robin. Sinasagot niya nang matapat ang lahat ng tanong sa kanya. Hintayin natin ang tamang panahon dahil sure ako na hindi magiging maramot si Robin sa pagkukuwento tungkol sa kanyang personal na buhay.