Carla Abellana mas type ang mga Kapamilya actors

Sa presscon ng Starstruck V: Dream, Believe, Survive Worldwide ay nakausap namin si Carla Abellana tungkol sa kanyang reaksiyon bilang host ng reality-based artista search.

“Kabado ako pero tiyak na mag-e-enjoy bilang host ng Starstruck V. Mahirap pero rewarding. Impressed ako sa galing umarte ni Dennis Trillo bilang aktor at alam ko na kaya rin niyang maging magaling na host,” sabi ng baguhang aktres.

May nag-comment na tahimik lang si Dennis pero matinik ito sa chicks. Hindi kaya dumating ang araw na magkadebelopan silang dalawa?

‘‘Kaibigan ko at close kami ni Carlene Aguilar. Higit sa lahat I don’t want to be a stepmom.

“Pangarap ko ring makatambal sina Piolo Pascual, Jericho Rosales, Jake Cuenca at Gerald Anderson. Nakatutok ako sa trabaho ngayon dahil gusto kong magtagumpay at balang araw ay nangangarap na makakuha ng acting award. Kaya pinagbubutihan ko ang aking craft,’’ sagot ni Carla.

Natutuwa ang magandang aktres dahil iba’t ibang proyekto ang naibibigay sa kanya gaya ng drama sa Rosalinda, comedy sa Carinderia Queen at ngayon naman sa hosting job.

Starstruck V ay ieere tuwing Sabado pagkatapos ng Pinoy Records at tuwing Linggo pagkatapos ng Kap’s Amazing Stories simula ngayong Linggo Nov. 15 with Shout Out: The Starstruck Dailies airing 15 minutes Monday to Friday bago ang Family Feud sa GMA 7.

Sa Nov. 18 ang last taping day ng Rosalinda at nalulungkot na si Carla dahil mami-miss niya ang mga katrabaho dito dahil para silang malaking pamilya. Maraming twist ngayon sa teleserye dahil sa pagpasok muli ng karakter ni Fedra (Katrina Halili). Ano kaya ang mangyayari sa pag-kidnap ni Fedra kay Rosalinda?

* * *

Kinuhang endorser ngayon ng Clinelle Professional Care ang magandang si Carmen Soo dahil sa malasutla nitong kutis. Ang Clinelle ay maraming gumagamit hindi lang ng mga kababaihan kundi gayundin ng mga kalalakihan kaya kinuhang endorser ang Malaysian actress dahil regular itong gumagamit ng brand na ito magdadalawang taon na.

Ang Clinelle Professional Care Products ay available sa lahat ng Watsons and Beauty By SM stores nationwide.

* * *

Naikuwento ng isang source na tahimik lang si Maricar Reyes sa isang sulok kapag may taping. Hindi ito nakikihalubilo sa maraming kasamahang artista.

Iniiwasan kaya nitong makipag-usap dahil sa nangyaring sex video scandal nila ni Dr. Hayden Kho Jr.?

Pero one time, ayon pa rin sa source, ay tiningnan ito sa mata ng isang sikat na aktor na kasamahan niya sa teleserye. Pero hindi nahiya ang doktora-aktres at parang wala lang sa kanya kahit tiningnan siyang mabuti sa mata ng aktor. Dedma lang si Maricar at naupo na lang sa isang tabi.