Nganong natangtang ang make-up artist sa Balitang Bisdak?

CEBU, Philippines - Nagsugod sa text message nga nadawat sa Banat Hugyaw niadtong Lunes sa hapon ang balita nga gipatangtang ni Balitang Bisdak segment host Cecil Quibod ang ilang make-up artist nga nag-alagad na matud pa sa GMA-7 sulod sa tulo na ka tuig.

Ang maong text message, reaksyon sa news item sa Banat Hugyaw sa milabay nga buwan kabahin sa dili maayo nga make-up nila ni Quibod ug Bisdak anchorwoman Atty. Rose Versoza. Nangangkon ang texter nga ang rason niini mao ang pagpatangtang ni Quibod sa nahisgutang make-up artist tulo na ka buwan ang milabay.

Gumikan niini, dali nga gi-forward sa Banat Hugyaw ang maong mensahe ngadto kang Quibod alang sa iyang habig. Tubag niya, “Haha I know where this is coming from..from the former make-up artist.”

Dihang gipangutana nganong nakasiguro siya nga ang kanhi make-up artist ra ang mi-text sa Banat Hugyaw, matud ni Quibod sinati na siya sa sinuwatan og mensahe sa nahisgutan.

Dihang gipangutana sa Banat Hugyaw kung tinuod ba nga iyang gipatangtang ang maong make-up artist tulo ka buwan na ang milabay, miangkon si Quibod sa walay pagduha-duga. Pero niya pa, “Not just me, all of us na mga hosts and staff were not satisfied with his make-up, gamay man gani siya’g evaluation grade. We gave him one year but no improvements.

Apan kung sila tanan ang mihatag og gamay nga evaluation grade, nganong si Quibod ra man ang gihisgutan sa text message? “Kay ang usa ka tawo sa newsroom gi-badmouth ko para siya ang hero Ing-ana jud na siya tawhana. Wa koy lain matudlo,” nagkanayon siya sa Banat Hugyaw.

Pwes, kinsa ang maong tawo nga maoy midaot niya? “Ay nalang ry uy kay lavad, hahahaha Siya ra bitaw magabaan, haha.”

 In the name of fairness, dili na lang una nganlan sa Banat Hugyaw ang gipasabot nga make-up artist hangtud nga mopadayag siya sa iyang habig.