Text Brigade ang nakaingon!

CEBU, Philippines - Kung buot huna-hunaon, ang ABS-CBN maoy mabasol nganong midako ang isyu tali nila ni Lorna Tolentino ug Chinchin Gutierrez, kinsa pambato nga casts sa Dahil May Isang Ikaw.

Kini tungod kay nag-text brigade diay ang publicity department sa ABS-CBN sa mga entertainment writer kabahin sa mga eksena sa episode sa maong serye niadtong Lunes. Pwes, gipatik sa beteranang kolumnista sa PangMasa manay Lolit Solis ang nahisgutan nga mensahe, isip paglimpyo sa ilang ngalan pod ni Philippine Star entertainment editor Ricky Lo gikan sa isyu nga matud pa gisugo sila sa GMA-7 aron daoton ang shows sa ABS-CBN.

Ang mensahe sa PR department sa ABS-CBN nagkanayon:

" Naku, eto po ang update sa dahil may isang ikaw. Kung mapapanood nyo ang teaser today, mamayang gabi o lunes ng umaga, magaganap ang bonggang bonggang confrontation scene ni Lorna at Chinchin. Ending in sampalan and sabunutan. Dahil nadala ang dalawa sa eksena, nagkasakitan ang dalawa. In fact nagasgasan daw slight si Lorna. Pero all in the name of paggawa ng eksena. Bukas naman isang very romantic na wedding scene ang kukunan. Ikakasal na si echo at tin! Parang patapos na nakakaloka talaga ang primera klaseng teleseryeng ito!”

Suma pa ni Manay Lolit: “Tanga ba ako para siraan ang sariling show ng aking alaga? Gaga ba ako na dededmahin ang mga kalmot ni Chin Chin sa mukha ni LT?

Eric di madayon sa GMA Christmas special

Dili na gyud mahimo pa ni Eric Quizon ang mo-direk sa Christmas special ni Ms. Susan Roces sa GMA 7. Tua pa sa Amerika si Direk Eric ug gihuman ang Nobody, Nobody But...Juan diin bida ang iyang daddy nga si Dolphy ug Metro Manila Film Festival (MMFF) entry kini sa iyang Kaizz Ventures ug RVQ Productions sa December. Karong buwana na sugdan ang maong special ug sa tibuok December kini isalida. Si Mike Tuviera na ang direktor niini.