Aktres kinaladkad, sinampal ng aktor ex-BF
Nakakagulat ang balitang nakarating sa aming pisikal na pananakit ng actor sa ex-GF niyang actress sa isang restaurant sa Makati City. Basta na lang daw dumating ang actor, kinaladkad palabas ang actress at sinampal.
May mga kasama ang actress at marami ang nakakita, pero wala silang nagawa’t mabilis ang pangyayari at umalis daw agad ang actor. Ayaw na ring pag-usapan ng actress ang masaklap na nangyari sa kanya.
Inililihim ang pangyayaring ito, ‘di masabi ng source kung saang resto sa Makati at kung kailan ito eksaktong nangyari, basta nangyari. Umiyak na lang daw ang actress at awang-awa sa kanya ang mga kaibigan na clueless din sa ikinagalit ng actor.
* * *
Naging makatotohanan ang eksenang sampalan nina Sharon Cuneta at Zsa Zsa Padilla sa Mano Po 6 : My Mother’s Love rason para mamaga ang mukha ng huli. Pagkatapos kunan ang eksena, feeling daw ni Zsa Zsa namanhid ang mukha niya sa lakas ng sampal ni Mega.
“Tapos na ang eksena, pero parang may narinig pa rin akong bells. Ganu’n kalakas ang sampal ni Shawie, ibang klase, pero okey lang dahil nang mapanood namin ang rushes, pati kami nagandahan. Sulit na sulit ang sakit ng pisngi ko.”
Dahil magkaibigan at ni-rehearse ang eksena, walang isyu sa nangyaring sampalan, ‘di gaya sa confrontation scene nina Lorna Tolentino at Chin-Chin Gutierrez. Bukod sa sampal, sobrang pahihirapan pa ni Olive (Zsa Zsa) si Melinda (Sharon) at matutupad ang wish ni Divine Diva na magalit sa kanya ang fans dahil sobrang bad siya rito.
* * *
Wala pang official announcement ang GMA 7, pero kalat na si Dingdong Dantes ang papalit kay Richard Gomez na host ng Family Feud. Dahil dito, inalis ang actor sa StarStruck V bilang co-host ni Carla Abellana sa Sunday edition ng SSV na elimination night.
Hindi magiging mabigat ang schedule ni Dingdong dahil by the time na siya na ang host ng FF, patapos na ang taping ng Stairway to Heaven. I’m sure, very proud na naman si Marian Rivera sa bagong show ng actor dahil nagsusuportahan sila ng husto.
* * *
Ngayong Thursday sa Darna, nagdesisyon sina Narda (Marian Rivera) at Eduardo (Mark Anthony Fernandez) na madaliin ang kanilang kasal. Ipaaalam ng dalaga ang pagpapakasal niya sa kanyang Guardian (Angel Aquino) at sinabi sa kanyang ang pag-aasawa ang ikababagsak niya.
Hinikayat ni Gabriel (Alfred Vargas) si Fr. Mateo (Eddie Garcia) na lisanin ang San Mateo, biglang dumating si Babaing Lawin at inilipad ang binata. Dinala sa ospital si Fr. Mateo dahil sinaktan ni Babaing Lawin at ‘dun nalaman ni Narda na tinangay nito si Gabriel.
- Latest
