Freestyle mo-arangkada na

CEBU, Philippines - Sugdan na karong hapon ang bag-ong koreanovela sa GMA-7 nga nag-ulohan  og Freestyle. Ang maong programa maoy hulip sa  Game About Love nga natapos niadtong Biyernes.

Joyce so pasok sa  Juday Series

Mapahiyomon karong panahona ang 2006 Mossimo Bikini Summit winner  nga si Joyce So human niya masayri ang balita nga nalakip siya sa cast sa umaabot nga serye ni Judy Ann Santos sa ABS-CBN  nga  Habang May Buhay.

Patient X  ipasalida sa LA

Dunay  international premiere sulod niiniing semenaha  ang pelikulang  Patient X  sa 30th American Film Market sa   Los Angeles. Gipaabot nga motambong ang direktor sa maong pelikula nga si Yam Laranas. Dili katambong si Richard Gutierrez gumikan sa ka busy sa  iyang  taping sa   Full House.

Myrus mi-pahugyaw sa publiko

Masipang pakpak ang nadawat  sa bag-ong singer nga si Myrus sa dihang mi-guest kini gahapon sa  ASAP ‘09 sa ABS-CBN.  Giawit ni Myrus  ang  version niya sa  Sayang kinsa orihinal nga gikanta ni Claire de la Fuente.              

Sex Bomb sikat gihapon

Giingong gidumogan og maayo sa mga Pinoy ang  concert sa Sex Bomb Girls  didto sa Canada di pa lang dugay.Ang Japan na pud maoy sunod nga target sa nahisgutang grupo.

Balanse sa oras

Bisan sa ka busy sa kapamilya star nga si  Robi Domingo , migahin gyud siya og oras sa  pagtungha sa Ateneo de Manila University sa kursong BS Health Science. Gawas sa ASAP ’09, makita usab si Robi sa MYX .

Regine mosulod sa Darna

Giingong mo-guest usab sa di madugay si  Regine Velasquez sa  fantaserye nga   Darna butang nga gikahinaman og maayo sa mga fans sa Asia ’s Song Bird.

Kever sa baha

Magpabilin gihapon ang magtiayong Zoren Legaspi ug Carmina Villaruel sa balay nila sa Pasig City bisan usa kini sa naapektohan sa grabeng baha. Matud pa nila nga dunay sentimental value ang maong property busa di sila kaako sa pagbiya niini.

Jomari nakapalit og TV Network

Gipalit na matud pa sa  Fearless Productions nga gipanag-iya  nila ni  Ronald Singson ug Jomari Yllana ang Makisig Network . Ang nahisgutang network maoy usa sa   nag-operate  sa  Channel V Philippines sa cable.

John Lloyd mag-concert sa Europe

Usa sa gikabisihan karon ni John Lloyd Cruz ang umaabot niya nga concert sa Europe. Human sa maong event, atimanon na usab niya ang umaabot nila nga pelikula ni Bea Alonzo.

Nikki moawit sa kasal ni Rica

Usa si Nikki Valdez sa mohalad og awit sa umaabot nga kasal nila ni Rica Paralejo ug Joseph Bonifacio. Giingong excited na kaayo si Nikki niini sanglit usa kini ka espesyal nga adlaw sa iyang higala nga si Rica.

Sakripisyo ni Cesar

Giangkon ni Cesar Montano nga daghan siya og gibalibaran nga mga proyekto sa showbiz gumikan sa ka-busy sa iyang pagpangandam sa pag-papili pagka-gobernador sa   Bohol.

Ara nagparamdam na sa QC

Way hunong ang pagsuroy-suroy karon ni Ara Mina sa 2nd district sa   Quezon City . Gikatahong modagan pagka-konsehal ang aktres sa maong dapit sa 2010 election.

Bongga ka Anne!

Tsika pa sa mga himantayon  nga daghan karon ang nakauyon sa Showtime sa ABS-CBN kay matud pa,   usa sa naka-attract niini ang ka-sexy ni Anne Curtis.

Working Girls

Madayon gyud ang taud-taud   nga giplano nga remake sa  pelikulang Working Girls. Sila si Cristine Reyes, Jennylyn Mercado, Eugene Domingo ug Ruffa Gutierrez maoy gikatahong  mga bida sa nahisgutang pelikula under Viva Films.

Chiz suportado ni Susan

Bisan unsa nga posisyon nga lansaran ni Sen. Chiz Escudero sa  2010 election, magpaluyo gyud kaniya si Susan Roces.

Sekreto para Bibo

Gipadayag ni Jolina Magdangal nga usa ka dakong proyekto ang iyang maangkon sunod tuig ug di pa niya  puwede ibutyag karon kay basin dunay kakulian nga mahitabo.

Beatles paborito ni Joshua

Giingong paborito kaayo sa anak ni Kris Aquino nga si Joshua ang mga kanta sa The Beatles busa naka-upload gyud kini sa iyang cellphone.

Hongkong ang tirada

Migawas karon ang istorya nga matud pa nanglaag ang mag-uyab sila si Mariel Rodriguez ug Zanjoe Marudo sa Tsim Tsa Tsui, Hongkong.

Ruffa naka feel na

Mismo si Ruffa Gutierrez nakabantay na   kung unsa ka-sweet ang iyang igsuon nga si Richard ngadto sa leading lady niini sa Patient X nga si Cristine Reyes.

Kimerald Oa!

Daghan ang wa nahimuot nila ni Kim Chiu ug Gerald Santos gumikan kay di kini magtarong og tubag kung pangutan-on sa tinuoray nila nga status. Matud pa nga Yes or No ra ang choices pero iliko gyud sa duha ang ilang mga tubag.