Nadine Samonte 'di kasundo ang ama; Korina Sanchez hindi pa rin makapaniwalang kasal na sila ni Mar Roxas

Seen : Ang magandang music video ng Hindi Ka Nag-iisa na nilahukan ng mga showbiz at sports personality na sinusuportahan ang presidential bid ni Senator Noynoy Aquino.

Scene : Na-delay ng ilang oras ang paglipad kahapon ng PBB Housemate na dadalhin ng direktor na si Lauren Dyogi sa Finland dahil sa bagyong Santi. Hapon na nakaalis ng Pilipinas si Lauren at ang PBB housemate na si Catherine Remperas.

Seen : Si Shaun Rodriguez ang 11th cast­away ng Survivor Philippines : Palau na na­patalsik sa isla noong Biyernes. Nag-aambisyon si Shaun na maging artista.

Scene : Ang tribute kay Francis Magalona ng NU Rock Awards noong Sabado sa World Trade Center. Dumalo sa awards night ang mga anak ng namatay na rapper.

Seen : Kumpleto na ang kaligayahan ni Dra. Vicki Belo dahil magkasundo na ang kanyang anak na si Cristalle at ang boyfriend niyang si Dr. Hayden Kho.

Scene : Hindi pa rin makapaniwala si Korina Sanchez na mag-asawa na sila ni Sena­tor Mar Roxas. Enjoy ang dalawa sa honey­moon nila sa Japan.

Seen : Ang kuwento ni Nadine Samonte na pinigilan siya ng kanyang ama na dalawin sa Germany ang lolo at lola niya. Hindi maayos ang relasyon ni Nadine sa kanyang tatay.

Scene : Nababawasan ang rating ng Darna. Naaalarma ang fans ni Marian Rivera na lumipad sa Singapore noong Biyernes, kasama ang kanyang boyfriend na si Dingdong Dantes.