Mga bata may bagong kalaro sa TV

MANILA, Philippines - Mas masigla na ang gising ng mga chikiting tuwing Sabado dahil simula ngayon ay makikilala na nila ang mga bago nilang kalaro sa Kulilits. 

Kasabay nilang matuto at magsaya sa bagong programa ng ABS-CBN News and Current Affairs ang mga pinakasikat at pinaka-cute na child stars ngayon sa bansa na sina Cha-cha “Bulilit” Cañete, Star Circle Quest 2009 Grand Kid Questor Bugoy Cariño, at ang 1st runner up na si Izzy Canillo.

Bawat linggo, siguradong matututo ang mga chikiting! Letra at Matematika, Kantahan at sayawan, mga bagong uso sa kabataan, lahat matututunan. Higit pa sa mga bagong kaalaman, papahalagahan ang mabuting asal. Dahil ang batang kulilit ay di lang matalino kundi may mabuting puso.

Ngayong Sabado (Oct 31), samahan si Cha-cha, Bugoy, at Izzy sa kanilang playhouse kung saan magtutulungan silang gumawa ng Halloween costume!

Iikot din ang mga kulilits para mag-trick or treat at mangolekta ng kendi. Tuturuan din nila ang mga kalaro ng isang magic trick!

Ihanda na ang mga chikiting sa kanilang unang bonding kasama ang mga Kulilits ngayong Sabado (Oct 31), 9:45 a.m bago mag-Showtime sa ABS-CBN.