Lloydie paborito ni Lorna

CEBU, Philippines - Gibutyag ni Lorna Tolentino nga gusto niya makauban pagbalik sa usa ka proyekto si John Lloyd Cruz gumikan kay ganahan siya sa acting style sa aktor. Unang nagkauban sila si Lorna ug Jhon Lloyd sa seryeng   “Kay Tagal Kang Hinintay” sa ABS-CBN.

Abby dunay Indie Film

Mapasigarbohong gipadayag sa kanhi Bb. Pilipinas 1st runner-up nga si Abby Cruz nga priority na niya karon ang showbiz, gani kasamtangan niya gihimo ang indie film nga Tanglaw diin midala siya isip domestic teacher.

Robin andam magpa-sexy

Andam na si Robin Padilla nga magpa-sexy sa usa ka proyekto kung gikinahanglan sa iyang role. Matud pa niya nga panahon na para masuwayan ang pikas habig sa iyang pagka-aktor.

Lingkoranan for Marian

Hinatag diay ni Dingdong Dantes ang puwa nga bangko nga perming lingkoran ni Marian Rivera sa set sa Darna.

Halloween Special

Usa ka Halloween special ang masaksihan sa Midnight DJ  ni Oyo Boy Sotto sa TV 5 karong gabii diin guests sila si Michelle Madrigal ug Jon Avila .

Patient X sa Sundance

Isalmot gyud ni direk Yam Laranas ang pelikulang Patient X ni Richard Gutierrez sa Sundance International Film Festival.

Gikapoy lang

Human sa kapin duha ka tuig, ang kakapoy maoy hinungdan nga wala na mo-renew si Jaymee Joaquin sa iyang kontrata isip host sa Games Uplate Live (GUL) sa ABS-CBN. Giangkon hinoun niya nga na-enjoy siya sa maong show pero panahon na gyud nga mohatag siya og oras sa iyang kaugalingon.