Angel mutekang sa Emmy Awards
CEBU, Philippines - Labihan ang kalipay karon ni Angel Locsin tungod kay patambongon siya sa ABS-CBN sa umaabot nga International Emmy Awards sa New York karong November diin nominado siya isip best actress para sa teleseryeng Lobo.
Tsika sa PangMasa kauban ni Angel nga molarga ang iyang manager nga si Becky Aguila ug karon excited na ang actress sa iyang masinati didto, mudaog man o mapildi.
“Hanggang ngayon, hindi pa ako maka-recover sa gulat na yun! Yung mahanay ka lang dun kasi ang gagaling din ng ibang mga na-nominate, tapos, pinapanood ko yung ibang mga films nila, parang... wow, thank you Lord. And siyempre, proud din ako kasi pinaghirapan namin talaga yung Lobo eh. Hindi lang ito para sa akin, sa team namin sa Lobo, sa ating mga Pilipino rin, mga Asyano, ’di ba? Kasi tayo lang ang Asian na nakapasok, eh,” nagkanayon ang young actress ngadto sa PangMasa.
Bulahan si Jude Matthew!
Duna nay regular segment sa Eat Bulaga si Jude Matthew Servilla, ang winner sa Birit Baby 2009. Kini mao ang Songs From The Heart diin kantahon niya ang requests sa mga televiewers gikan sa gawas sa nasud matag Lunes, Miyerkules, ug Sabado.
Tsika pa sa PangMasa nga gawas sa premyo ni JM nga P200,000 cash prize plus P20,000 sa People’s Choice Award through text, ang Eat Bulaga pod maoy mogasto sa iyang pagtuon isip first year high school sa Angelicum. Ang show pod maoy bahala sa condo unit nga gipuy-an karon ni JM ug sa iyang pamilya didto sa Manila.
Gawas niini, duna siyay two-year contract sa Eat Bulaga ug ang executive producer sa show nga si Malou Choa-Fagar na ang iyang talent manager karon. Palambuon pa og maayo ang singing talent ni JM tungod kay duna na siya’y voice coach, si Arnel de Pano.
Swerte gyud si JM tungod kay nangutang ra diay og pamilite ang iyang papa para makasalmot siya sa contest ug daan nga sapatos pa gyud ang iyang gigamit. Ang kanta nga “Hanggan” ni Wency Cornejo ang winning piece ni JM. Mensahe niya ngadto sa uban nga buot magmalampuson: “Huwag silang titigil, try and try, huwag silang susuko!”
- Latest
