Angel ug Luis upat na ka buwan nga buwag!

CEBU, Philippines - Gikompisal ni Angel Locsin nga upat na diay ka buwan nga buwag sila si Luis Manzano apan di gihapon mosulti ang nahiuna sa tinuod nga hinungdan niini.

“Si Luis nga, hindi nagko-comment sa nangyayaring ito sa amin, so, respetohin na lang natin. Kung siya nga hindi nagsasalita, ako, ayoko na ring magsalita,” nagkanayon si Angel.

Di makasulti si Angel kung duna pa ba’y tsansa nga magkabalik sila ni Luis.       

“Mahirap magsalita, eh. Basta ngayon, hindi pa namin napag-uusapan ang mga bagay-gabay, ganu’n. Ngayon, nag-uusap kami, may communication na,”matud pa niini.

Subling gipadayag ni Angel nga di tinuod ang balita nga matud pa mobiya siya sa Star Cinema ug mobalhin sa tugkaran sa Viva Films.

Samtang gihimakak usab ni Angel nga duna siya’y ka-relasyon nga negosyante.

“Sa tingin ko, hindi ko na kailangang sagutin kasi, napaka-ano, napaka-petty na, parang lahat na lang binabato,” dugang pa niya. (Sanden J. Anadia

Kris ug Robin magpares gyud sa series

Pwes, kumpirmado nga apil gyud si Robin Padilla sa teleserye nga Kung Tayoy Magkakalayo sa ABS-CBN. Kini maoy natino sa PangMasa sa mismong story conference kagabii sa maong serye, diin pares ni Kris Aquino ang papel ni Binoe.

Dunay himuong pelikula si Robin sa Star Cinema pero mas maayo pa ang iyang serye tungod kay sa Nov. 13, na ang first taping day niya.

Gawas nila ni Kris ug Robin, of course apil sila si Kim Chiu, Gerald Anderson, Albert Martinez, Jaclyn Jose, Maricar Reyes, Coco Martin, ug Gina Alajar sa maong serye. Ang team likod sa kalampusan sa Tayong Dalawa maong mogama niining maong serye, hinungdan nga sila si Erick Salud ug Trina Dayrit gihapon ang direktor.

Geoff mituo ni Carla

Kumbinsido si Geoff Eigenmann nga buwag na si Carla Abellana ug ang basketbolista nga si JC Intal. Matud ni Geoff mas nasayod siya sa kinabuhi karon ni Carla tungod kay kanunay silang mag-istorya ug magkita sa set sa Rosalinda.

Serye ni Cristine sugdan na

“Cristine Series” ang working title sa project ni Cristine Reyes sa ABS-CBN nga matud pa maoy ipuli sa May Bukas Pa. Wala pa siya’y leading man pero si Rory Quintos maoy direktor niini ug mao kini hulip matud pa sa May Bukas Pa nga mahuman karong January 2010.

Mag-brief jud!

Morampa nga mag-brief ra si Wendell Ramos sa iyang musunod nga eksena sa Kaya Kong Abutin ang Langit. Anad na si Wendell nga mag-underwear ra nga morampa sa fashion shows pero unang higayon kini nga buhaton niya sa telebisyon.

Tara gipamabdosan ni Suzuki?

Mikatawa na lang ang Survivor Palau castaway nga si Suzuki sa isyu nga siya maoy gitumbok sa gisabak karon sa iyang kaubang castaway nga si Tara Macias. Suma pa ni Suzuki ngadto sa PangMasa, suod sila ni Tara pero dunay uyab ang dalaga ug mao ni amahan sa upat ka buwang gisabak niini.)

Kapusong Aga MuHlach?

Nakig-meeting si Aga Muhlach ug ang iyang manager nga si Ethel Ramos sa mga executives sa GMA-7 niadtong Huwebes. Suma pa sa taho nga nahipos sa PEP daghang project nga himuon si Aga sa Kapuso Network. Mubalhin na siya?

Half Million ang kita

Giingong miabot sa tunga sa milyon ka pesos ang nahipos sa online auction nga gipasiugdahan ni Angel Locsin alang sa mga biktima sa bagyo.Malipayon ang aktres sa tanang artista ug buyers nga mingsuporta sa nahisgutang proyekto.

Katrina mubalik isip Black Darna?

Dili kay si Dennis Trillo lang ang mo-guest sa Darna. Tsika pa sa PEP nga hasta si Katrina Halili mogawas pod sa maong serye sanglit dunay twist nga mahitabo sa number one show ni Marian Rivera. Kahinumduman nga si Katrina maoy mimugna sa labing dakong twist sa sikat nga mugna ni Mars Ravelo kaniadto. Kini mao ang paggawas niya isip “Black Darna” kaniadto sa serye nga gibituonan ni Angel Locsin. Ang maong appearance ni Katrina mitala og taas nga rating kaniadto.

Kristel: di ko pasaway

Gihimakak sa Star Magic artist nga si Kristel Moreno ang migawas nga isyu nga matud pasaway siya nga artista. Samtang gisugdan na di pa lang dugay ang shooting sa iyang launching film nga Pitas ubos sa direksiyon ni Joey Reyes .

Angay ni Cristine ang Patient X

Dili bagay kang Heart Evangelista ang role unta niini sa Patient X, busa maayo ra pod nga si Cristine Reyes gyud ang nakakuha sa maong role. Kini maoy opinion sa beteranang kolumnista sa PangMasa manay Lolit Solis. Suma pa niya, labihan kakapoy sa maong papel ug hayan dili kaya ni Heart ang mokaon og tawo isip aswang.

Erap barato ra’g TF

Dili makakuyap ang talent fee ni Erap sa Star Cinema movie nga Tanging Ina nga isalida na karong November 11. In other words, matud pa sa beteranang kolumnista sa PangMasa manay Lolit Solis barato ra ang gipangayo sa kanhi presidente busa dili makalisang.

Manager ni Dingdong molayas sa GMA-7

Katapusan na lang matud pa nga show ni Perry Lansigan isip Executive Producer ang SOP niadtong Biyernes. Ang tsika mao nga layasan na ni Perry ang GMA-7 tungod sa wala nila pagkasinabot sa management. Si Perry maoy manager nila ni Dingdong Dantes, Geoff Eigenman , Jolina Magdangal ug uban pa... Ryan Mark

Paulo tig-update sa StarStruck V

Usa sa mahimong update host sa StarStruck V   ang 21 anyos nga si Paulo Avelino. Malipayon ang aktor sa maong trabaho gumikan kay produkto usab siya sa milabay nga season sa StarStruck.