'Agree ako sa decision ng DOJ kay Hayden'

Nag-back out na si DILG Secretary Ronnie Puno sa kanyang vice presidential bid. Nalungkot ako sa desisyon ni Papa Ronnie pero nadagdagan ang aking paghanga sa kanya dahil personal niya akong tina­wagan sa telepono para pasalamatan ang enter­tainment press.

Gustong ipaabot ni Papa Ronnie sa entertainment press ang taos-pusong pasasalamat dahil sa pagkupkop sa kanya sa sandaling panahon na nangarap siyang makapaglingkod sa bayan.

Pinahanga ni Papa Ronnie ang mga entertain­ment writers sa ilang beses na paghaharap nila dahil may mga sagot siya sa lahat ng isyu na may kina­laman sa bansa at mga Pilipino.

Nakakabilib si Papa Ronnie dahil sa kanyang sinabi na puwede siyang maglingkod sa ating mga kababayan kahit hindi siya ang vice president ng Pilipinas.

* * *

Tiyak na dadagsa mamaya sa SM Manila Cinema ang mga fans ni Richard Gutierrez dahil sa premiere night ng Patient X.

Hindi ako lumalabas ng bahay tuwing Linggo kaya hindi ako makakapunta sa red carpet premiere ng bagong pelikula ni Richard.

Makikibalita na lang ako sa mga mangyayari. Alam ko na maganda ang pagkakagawa ni Yam Laranas sa Patient X dahil sa feedback na naririnig ko. May nagsabi nga sa akin na mas maganda ang Patient X kesa Sigaw at sa Hollywood version nito, ang The Echo.

Kasama sa cast ng pelikula sina Elvis at Rocky Gutierrez, ang mga kapatid ni Richard na nag-request na dagdagan ang kanilang talent fee dahil nahirapan sila sa prostethics. Sina Elvis at Rocky ang mga gumanap na aswang sa Patient X.

* * *

Marami ang naintriga sa sinabi ni Dingdong Dantes na “getting there” sila ni Rhian Ramos.

Nag-react agad ang mga fans nina Dingdong at Marian Rivera. Hindi nila matanggap ang getting there statement ni Dingdong.

Utang na loob. maghunos-dili kayo. Maraming ibig sabihin ang getting there. Nagiging komportable na sina Dingdong at Rhian sa kanilang partnership sa Stairway to Heaven kaya friends sila.

Huwag ninyong bigyan ng malisya ang sinabi ni Dingdong dahil faithful siya kay Marian.

* * *

NR o no reaction ako sa latest development sa kaso ni Katrina Halili laban kay Dr. Hayden Kho, Jr. dahil nag-promise ako kay Dr. Victoria Belo na magbi-behave muna ako.

Hindi ko na ookrayin si Hayden pero agree ako sa desisyon ng DOJ na kasuhan siya dahil may mali sa kanyang ginawa. Hindi tama na i-video ang pakikipagtsugihan lalo na kung walang kaalam-alam ang kanyang kasama. Yun lang!

* * *

Kahapon ang birthday ni Alfred Vargas kaya gusto ko siyang i-greet uli ng belated happy birthday.

Wala nang mahihiling pa si Alfred para sa birthday niya dahil literal na masaya siya sa piling ng kanyang girlfriend na si Yasmine.

In love na in love ang dalawa sa isa’t isa. Si Yasmine ang kasama ni Alfred sa kanyang mga out-of-town shows. Malakas ang duda ko na si Yasmine na ang babae na pakakasalan ni Alfred. Hindi kumpleto ang kanilang mga araw kapag hindi sila nagkikita o nagkakausap. Ganyan katindi ang pagmamahalan nina Yasmine at Alfred.