Brillante migama og documentary film
CEBU, Philippines - Gibutyag ni Brillante Mendoza duna siya’y gihimo karon nga usa ka documentary film kabahin sa global warming.
“Sa wikang Pilipino ang kabuuan ng documentary.Naka-four days na kaming mag-shoot sa Marikina at iba pang panig ng Metro Manila. Balak namin na pumunta sa iba’t ibang lalawigan na apektado o maaapektuhan ng global warming,” matud pa sa direktor.
Sayon na lang kaayo ang pagkuha og footage ni Brillante sukad nakapalit siya og kaugalingong P-2 film camera.
“Ang aking docu on global warming, gusto kong ipalabas sa lahat ng schools and universities na may screening ang aking mga pelikula,” nagkanayon ang direktor.
Samtang nakapundo na usab siya og footages sa lubong ni kanhi Presidente Cory Aquino, ug segurado usab siya nga iya kini nga magamit sa sunod niya nga mga proyekto. (Sanden J. Anadia)
Buwag gyud lagi!
Buwag na sila si Rachelle Ann Go ug Gab Valenciano. Nagdumili si Rachelle pagdetalye sa rason sa ilang panagbuwag pero ang tsika nga nanggawas, duna nay laing girlfriend ang anak ni Gary Valenciano.
Hugyaw ka Heart!
Nag-victory party si Heart Evangelista sa Barrio Fiesta niadtong Lunes sa gabii isip pagsaulog sa iyang kadaugan isip Best Actress sa Famas niadtong Domingo. Makahuluganon kaayo kang Heart ang pelikulang Ay Ayeng nga maoy naghatag kaniya sa maong award sanglit gihimo kini niya three years ago niadtong walay klarong direksyon ang iyang career.
Kuyog pod diay sila
Dili kay sila lang si Richard Gutierrez, Heart Evangelista, ug Patrick Garcia ang mulupad paingon sa Prague para mag-shoot sa pipila ka eksena sa Full House, kundili kuyog pod sila si Rainier Castillo ug Shenna Halili. Ang kanhi manag-uyab maoy mga friends ni Jessie (Heart) nga mibaligya sa balay niini ngadto kang Wayne (Richard).
Maka-relate ang direktor
Human sa Special Mention award nga nadawat ni direk GB Sampedro para sa pelikulang Astig (Squalor) sa 14th Pusan International Film Festival sa Korea, duna nay second movie project ang nahisgutan. Kini mao ang “Separado” nga kabahin sa mga lalaking buwag sa ilang mga asawa. Pwes dili matud pa maglisod si GB tungod kay siya mismo buwag man sa iyang asawa ug dunay espesyal karon nga relasyon ni Candy Pangilinan.
At last!
Thirty-one years diay ang gipaabot ni Mother Lily Monterverde una pa hingpit nga natuman ang iyang pangandoy nga mohimo og pelikula si Sharon Cuneta ubos sa Regal Films. Pwes labihan na lang ang kalipay ni Mother Lily tungod kay matuman na gyud kini pinaagi sa Mano Po 6 nga entry sa maong film outfit alang sa 2009 Metro Manila Film Festival.
Hahahahaha katawa lang ta!
Bisan og makapila na ka higayon nga gidungog nga wagtangon na ang Sis nila ni Carmina Villaroel, Gelli de Belen ug Janice de Belen pabilin kini nga nanghawod sa rating ug gibuntog ang mga kaatbang niini nga pasundayag sa ABS-CBN. Ang latest casualty mao ang Ruffa & Ai.
All About Change
Change ang title sa labing unang solo album sa actor-singer nga si Jericho Rosales ubos sa Star Records. Matud mismo ni Jericho nga daghan og buot pasabot ang maong title para niya, lakip na niini ang daghang kausaban sa iyang kinabuhi.
Charice tabangi mi!
Target karon ni direk Soxy Topacio si Charice Pempengco aron makuha ang atensyon ni Oprah Winfrey para sa promo sa Ded na si Lolo nga pambato sa Pilipinas alang sa Oscars. Suma pa niya nga kung matabangan sila ni Charice aron makakita si Oprah sa maong pelikula, hugyaw na kaayo kini nga publicity ug siguradong matagad gyud sa mga hurado ang maong movie.
- Latest
