Hayahayang Kimmy Dora oy

Pakpak: Mihipos og P80 million gross ang Kimmy Dora sa unom ka semana nga pagpasalida niini. Perteng hugyawa ni Eugene Dominggo.

Nagyaya Lang

Palpak: Laay ug yaya ang 57th Famas Awards niadtong Dominggo. Daw gitago pod kini sa mga organizers busa daghan ang wala masayod sa maong kalihukan.

Go Edu!

Pakpak: Daghan ang nalipay sa pagbalik ni Edu Manzano isip co-host sa Umagang Kay Ganda kagahapon. Ang tsika mao magpabilin si Edu sa maong show hangtod nga muduso siya sa iyang kandidatura isip senador.

Charice Murag Madam Auring

Palpak: Walay ayo matud pa ang make over kang Charice Pempengco. Gikulong iyang buhok, nagsul-ob og colored contact lenses ang dalaga. Mura na matud pa siyag si Madame Auring niadtong batan-on pa kini.

Birthday Trip

Pakpak: Kauban ni Pia Guanio sa iyang birthday vacation sa laing nasud ang iyang boyfriend nga si Vic Sotto.

Bigating Line-Up

Si Kim Atienza maoy host sa It’s Show Time nga magsugod na karong October 26 isip hulip sa programang Rufa and Ai sa Dos. Makauban ni Kim sila si Vhong Navarro ug Anne Curtis. Nalakip usab sila si Vice Ganda ug ang grupong Rocksteddy ug Itchyworms isip resident judge sa maong show. Gumikan niini, wa na’y labot si Kim sa programang Umagang Kay Ganda.

TJ wa gaapas og acting award

Mapasalamaton si TJ Trinidad nga napansin gyud sa kadaghanan ang maayo niya nga pag-acting isip Tristan sa Stairway To Heaven . Samtang challenging role usab ang naangkon niya sa Patient X diin midala siya isip pulis. Wa gadali ang aktor nga ma-recognize sa publiko busa okay lang kaniya nga wa gyud siya makaangkon og bisan usa ka acting award.

“Prinsipe ng buhay ko”

Gidungog nga “Prinsipe ng Buhay Ko” ang sunod nga TV series nila ni Kris Bernal ug Aljur Abrenica sa GMA-7. Sa unang semana sa Nobyembre magsugod ang workshop sa tibuok cast sa maong serye nga di pa buot ibutyag sa aktres.  

Pahiyom Ra Ang Ibalos

Unfair alang kang Jewel Mische ang migawas nga tsismis nga matud pa “Girlfriend sa Dilim” siya ni Richard Gutierrez. Pero igo ra mopahiyom ang dalaga kung pangutan-on siya sa tinuod nila nga status sa aktor. Samtang bida si Jewel sa new episode sa Dear Friend karong October 25 diin iyang mapares si JC de Vera.

Nadine Gikulbaan

Aminado si Nadine Samonte nga na-pressure siya og maayo sa paghulip niya kang Sunshine Dizon sa Tinik sa Dibdib. Nagsugod na kagahapon si Nadine sa taping sa maong serye.  

Singapore idol finalist mikanta og “bakit pa”

Daghan ang nahugyaw sa dihang mikanta og Tagalog song ang 17 anyos nga Malay finalist sa Singapore Idol Season 3 nga si Fathin Amira. Gikanta ni Fathin ang Bakit Pa ni Jessa Zaragoza ug iya kining gi-dedicate sa mga Pinoy nga naapektuhan sa bagyo.                           

Nieves Wa Pa’y Klaro

Murag hanap pa ang pelikulang “Nieves: The Engkanto Slayer” nga bidahan ni Marian Rivera isip usa sa mga entry sa Regal Films sa umaabot nga Metro Manila Film Festival. Ang kahimtang sa panglawas sa direktor niini nga si Mike Tuviera   maoy gituohan nga rason nga on hold pa ang maong proyekto.

Shining inheritance vs. Snn

Gidaug-daug gihapon sa Shining Inheritance sa GMA-7 ang kaatbang niini nga SNN: Showbiz News Ngayon sa ABS-CBN. Sa overnight survey nga gihimo sa TNS sa National households niadtong October 15, nakakuha ang Shining Inheritance og 13.1% samtang ang   SNN nakaangkon lang og 11.7%.

Jun Pyo, Jandi Ug Jihoo Nominado

Sulod sa Top 10 nominees sa second edition sa Style Icon Awards sa Korea ang mga bida sa sikat kaayong Boys Over Flowers silang Ko Goo Hey Sun or (Jandi), Le Min Hoo (Jun Pyo) ug Kim Hyun Joong (Jihoo).

Ang Style Icon Awards ipahigayon karong November 11 ug isalida live sa O’live Lifestyle channel pinaagi sa TVN ug XTM.

Samtang si Goo Jun Pyo maoy endorser karon sa Dunkin Donuts; si Kim Hyun Joong dunay pelikula nga giulohan og Tony Moly; samtang si Kim Joon dunay variety show nga giulohan og Infinity Challenge diin dunay special participation si Lee Min Ho ug isalida karong October 24, didto sa Korea.